ⴰⴼⵙⴰⵔ ⵏ ⵓⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵎⵉⴹⴰⵏⵏ ⵎⵏⵉⴷ ⵏ ⵓⴱⵕⵍⴰⵎⴰⵏ
Fichiers proposés en téléchargement
ⴰⴼⵙⴰⵔ ⵏ ⵓⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵎⵉⴹⴰⵏⵏ ⵎⵏⵉⴷ ⵏ ⵓⴱⵕⵍⴰⵎⴰⵏ
À découvrir également
ⵉⴼⵙⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵜⴰⵏⴰⴹⵜ ⵏⵏⵙ ⵜⴰⵙⴳⵯⵙⴰⵏⵜ ⵏ ⵓⵙⴳⴳⵯⴰⵙ ⵏ 2023 - 2024
ⴷⴼⴼⵉⵔ ⵏ ⵓⵙⵎⵏⵉⴷ ⵏ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵏ ⵓⵙⴳⴳⵯⴰⵙ ⵏ 2023-2024 ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ ⵢⴰⵡⵙ ⴰⵙ, ⵙⴳ ⵜⵏⵉⵍⴰ ⵏ ⵎⴰⵙⵙⴰ ⵜⴰⵏⵙⵙⵉⵅⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⵙ ⵓⵣⵣⴳⵉⵔ ⵏ ⵉⵙⴱⴷⴰⴷⵏ ⵏ ⵓⵎⴰⴳⵔⴰⴷ 148 ⵏ ⵓⴷⵓⵙⵜⵓⵔ ⴷ ⵓⵎⵏⵏⵉ 100 ⵏ ⵓⵙⵍⴳⵏ ⵓⵟⵟⵓⵏ 26.99 ⵉⵣⴷⵉⵏ ⴷ ⵜⵓⴳⵔⵉⵡⵜ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ, ⴷ ⵓⵙⵉⴼⴹ ⵏⵏⵙ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ. ⴰⵔ ⵉⴼⵙⵙⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵜⴰⵏⴰⴹⵜ ⴰⴷ.
À découvrir également
ⴰⵙⴷⵓⵙ ⵏ ⵡⴰⵎⵎⴰⴽⵏ ⵏ ⵓⴳⴳⵉⵡⵙ ⵢⴰⵜⵜⵓⵢⵏ ⵏ ⵓⵥⵕⴼ ⴰⴳⴷⵓⴷⴰⵏ ⴳ ⵡⴰⴼⵔⵉⵇⵢⴰ : ⵜⴰⴷⵔⴰⵡⵜ ⵏ ⵍⵎⵖⵔⵉⴱ ⵉ ⵜⵎⵓⵣⴰⵢⵜ ⵏⵏⵙ ⴰⴽⴷ ⵉⵏⴳⴳⵯⴰ ⵏⵏⵙ ⴳ ⵜⵎⵓⵏⵜ ⵜⴰⴷⵎⵙⴰⵏⵜ ⴷ ⵜⵓⴷⵔⵉⵎⵜ ⵏ ⵓⴷⴰⵔⴰⵎ ⵏ ⵡⴰⴼⵔⵉⵇⵢⴰ
ⵜⵙⵏⴱⴳⵉ ⵎⴰⵙⵙⴰ ⵣⵉⵏⴱ ⵍⵄⴰⴷⴰⵡⵉ, ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⴰⵙⵙ ⵏ ⵓⴽⵡⴰⵙ 27 ⴱⵕⴰⵢⵕ 2025, ⵢⴰⵏ ⵓⴽⴰⴱⴰⵕ ⵎⵓ ⵢⴰⵜⵜⵓⵢ ⵓⵙⵡⵉⵔ ⵏⵏⵙ ⵏ ⵉⵏⵙⵙⵉⵅⴼⵏ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ ⵉⴹⴼⴰⵕⵏ ⵉ ⵜⵎⵓⵏⵜ ⵜⴰⴷⵎⵙⴰⵏⵜ ⴷ ⵜⵓⴷⵔⵉⵎⵜ ⵏ ⵓⴷⴰⵔⴰⵎ ⵏ ⵡⴰⴼⵔⵉⵇⵢⴰ (UEMOA) ⴷ ⵉⴽⴰⴱⴰⵕⵏ ⴷⵉⴷⵙⵏ ⵉⵎⵓⵏⵏ, ⵏⵏⴰ ⵉⴳⴰⵏ ⵙⴳ ⵉⵡⴰⵏⴽⵏ ⵏ ⴱⵉⵏⵉⵏ ⴷ ⴱⵓⵕⴽⵉⵏⴰ ⴼⴰⵚⵓ ⴷ ⴽⵓⵜ ⴷⵉⴼⵡⴰⵕ ⴷ ⵖⵉⵏⵢⴰ ⴱⵉⵙⴰⵡ ⴷ ⵎⴰⵍⵉ ⴷ ⵙⵉⵏⵉⴳⴰⵍ ⴷ ⵟⵟⵓⴳⵓ, ⴷ ⵓⵢⵏⵏⴰ ⴳ ⵓⵙⴰⵜⵉ ⵏ ⵓⵎⵎⵙⴽⴰⵍ ⵏ ⵜⵎⵓⵣⴰⵢⵉⵏ ⵅⴼ ⵓⵙⴷⵓⵙ ⵏ ⵡⴰⵎⵎⴰⴽⵏ ⵏ ⵓⴳⴳⵉⵡⵙ ⵢⴰⵜⵜⵓⵢⵏ ⵏ ⵓⵥⵕⴼ ⴰⴳⴷⵓⴷⴰⵏ ⴳ ⵡⴰⴼⵔⵉⵇⵢⴰ.
Fichier proposé en téléchargement:
Communiqué de Presse_27_02_2025
À découvrir également
ⴰⵔⵣⴰⴼ ⵏ ⵜⵡⵓⵔⵉ ⵏ ⵢⴰⵏ ⵓⴽⴰⴱⴰⵕ ⵏ ⵜⵙⵏⴱⴹⴰⵢⵜ ⵏ ⵉⵙⵉⴹⵏⵏ ⵏ ⵜⵎⵓⵏⵜ ⵜⴰⴷⵎⵙⴰⵏⵜ ⴷ ⵜⵓⴷⵔⵉⵎⵜ ⵏ ⵓⴷⴰⵔⴰⵎ ⵏ ⵡⴰⴼⵔⵉⵇⵢⴰ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴰⵏⵙⵙⵉⵅⴼ ⵙⵉⵏⵢⵓⵏ ⵉⴼ ⵎⴰⵔⵉ ⴰⴷⵉⵙⵉⵏ, ⵉ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ
ⵜⵙⵏⴱⴳⵉ ⵎⴰⵙⵙⴰ ⵣⵉⵏⴱ ⵍⵄⴰⴷⴰⵡⵉ, ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⴰⵙⵙ ⵏ ⵡⴰⵢⵏⴰⵙ 24 ⴱⵕⴰⵢⵕ 2025, ⵎⴰⵙⵙ ⴰⵏⵙⵙⵉⵅⴼ ⵏ ⵜⵙⵏⴱⴹⴰⵢⵜ ⵏ ⵉⵙⵉⴹⵏⵏ ⵏ ⵜⵎⵓⵏⵜ ⵜⴰⴷⵎⵙⴰⵏⵜ ⴷ ⵜⵓⴷⵔⵉⵎⵜ ⵏ ⵓⴷⴰⵔⴰⵎ ⵏ ⵡⴰⴼⵔⵉⵇⵢⴰ ⴷ ⵓⴽⴰⴱⴰⵕ ⵏⵏⴰ ⴷⵉⴷⵙ ⵉⵎⵓⵏⵏ, ⴳ ⵓⵙⴰⵜⵉ ⵏ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵏⵏⴰ ⵉⵙⴽⵔ ⵖⵔ ⵓⵙⵇⵇⵉⵎ ⴰⵔ 28 ⴱⵕⴰⵢⵕ 2025.
À découvrir également
ⵉⴼⵙⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵜⴰⵏⴰⴹⵜ ⵏⵏⵙ ⵅⴼ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ ⵓⵙⴳⴳⵯⴰⵙ ⵏ 2022
ⵙ ⵓⵎⵙⴰⵙⴰ ⴷ ⵉⵙⴱⴷⴰⴷⵏ ⵏ ⵓⵎⴰⴳⵔⴰⴷ 147 ⴷ 148 ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⴰⵔ ⵏⵏ ⵉⵜⵜⵡⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴰⵙⴽⴰⵔ ⵏ ⵓⴳⴳⵉⵡⵙ ⵢⴰⵜⵜⵓⵢⵏ ⵏ ⵓⵣⵣⴳⵉⵔ ⵏ ⵉⵙⵍⴳⵏⵏ ⵏ ⵓⵥⵕⴼ, ⵉⴼⴽ ⵜⵉⵡⵉⵙⵉ ⵏⵏⵙ ⵉ ⵓⴱⵕⵍⴰⵎⴰⵏ ⴳ ⵉⴳⵔⴰⵏ ⵍⵍⵉ ⵉⵥⵍⵉⵏ ⵙ ⵓⴳⴳⵉⵡⵙ ⵏ ⵓⵥⵕⴼ ⴰⵎⴰⵜⴰⵢ, ⵖⵉⴽⵍⵍⵉ ⵉⵜⵜⵔⵔⴰ ⵅⴼ ⵉⵙⵇⵙⵉⵜⵏ ⴷ ⵉⵎⵛⴰⵡⴰⵕⵏ ⵉⵣⴷⵉⵏ ⴷ ⵜⵙⵎⵉⴳⴰⵍ ⵏ ⵓⴱⵕⵍⴰⵎⴰⵏ ⴳ ⵓⵣⵣⵔⴰⴼ ⴷ ⵓⴳⴳⵉⵡⵙ ⴷ ⵓⵙⵓⵜⴳ ⵉⵥⵍⵉⵏ ⵙ ⵓⵥⵕⴼ ⴰⵎⴰⵜⴰⵢ.
Fichiers proposés en téléchargement
RELF 2022 AR
RELF_2022_Synthèse
À découvrir également
ⴰⵕⵥⵥⵓⵎ ⵏ ⵜⵎⵀⵍⵜ ⵏ ⵓⵙⵎⴰⵢⵏⵓ ⵏ ⵜⵙⴳⵓⵔⵉ ⵜⵓⵛⵛⵉⵍⵜ ⵏ ⵡⴰⴳⵍⴰ ⵉ ⵉⵙⵎⵉⵍⵏ ⵏ ⵉⵎⵙⵖⴰⵏⵏ ⴷ ⵉⵎⴰⵡⴰⵙⵏ ⵉⴹⴼⴰⵕⵏ ⴰⵡⴰⵏⴽ ⴷ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴷ ⵜⵓⵚⴽⴰⵡⵉⵏ ⵜⵉⵎⴰⵜⴰⵢⵉⵏ ⴷ ⵉⴳⵔⴰⵡⵏ ⵢⴰⴹⵏ ⵉⵍⵍⴰⵏ ⴷⴷⴰⵡ ⵏ ⵜⵖⵖⵓⵍⴼⴰ ⵏⵏⵙⵏ
ⴰⵔ ⵉⵙⵏⵖⵎⴰⵙ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵓⴳⴳⵉⴷⵏ ⵏⵏⴰ ⴰⵙⵏ ⵜⵓⵛⵛⵍ ⵜⵙⴳⵓⵔⵉ ⵜⵓⵛⵛⵉⵍⵜ ⵏ ⵡⴰⴳⵍⴰ ⵉⵙ ⵜⴰⵎⵀⵍⵜ ⵏ ⵓⵙⵎⴰⵢⵏⵓ ⵏ ⵜⵙⴳⵓⵔⵉⵡⵉⵏ ⵜⵓⵛⵛⵉⵍⵉⵏ ⴽⵓ ⴽⵕⴰⴹ ⵉⵙⴳⴳⵯⴰⵙⵏ, ⵉⵙⵎⵉⵍⵏ ⵏ ⵉⵎⵙⵖⴰⵏⵏ ⴷ ⵉⵎⴰⵡⴰⵙⵏ ⵉⴹⴼⴰⵕⵏ ⴰⵡⴰⵏⴽ ⴷ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴷ ⵜⵓⵚⴽⴰⵡⵉⵏ ⵜⵉⵎⴰⵜⴰⵢⵉⵏ ⴷ ⵉⴳⵔⴰⵡⵏ ⵢⴰⴹⵏ ⵉⵍⵍⴰⵏ ⴷⴷⴰⵡ ⵏ ⵜⵖⵖⵓⵍⴼⴰ ⵏⵏⵙⵏ, ⵜⵏⵜⴰ ⴰⵙⵙ ⵏ 03 ⴱⵕⴰⵢⵕ 2025 ⴷ ⴰⴷ ⵜⵇⵇⵉⵎ ⴳ ⵡⴰⵢⵢⵓⵔ ⴰⴷ ⵙ ⵓⵎⵙⴰⵙⴰ ⴷ ⵉⵙⴱⴷⴰⴷⵏ ⵏ ⵓⴳⵟⵟⵓⵎ ⵡⵉⵙ ⵙⵉⵏ ⵏ ⵓⵎⵏⵏⵉ ⵡⵉⵙ ⵙⵎⵎⵓⵙ ⵏ ⵓⵙⵍⴳⵏ 54.06 ⵉⵣⴷⵉⵏ ⴷ ⵓⵙⵔⵓⵙ ⵏ ⵜⵙⴳⵓⵔⵉ ⵜⵓⵛⵛⵉⵍⵜ ⵏ ⴽⵔⴰ ⵏ ⵉⵎⵙⵜⵉⵢⵏ ⵏ ⵉⵙⵇⵇⵉⵎⵏ ⵉⴷⵖⵔⴰⵏⵏ ⴷ ⵜⵎⵚⵕⵉⵢⵉⵏ ⵜⵉⵣⵣⵓⵍⴰⵏⵉⵏ ⴷ ⴽⵔⴰ ⵏ ⵉⵙⵎⵉⵍⵏ ⵏ ⵉⵎⵙⵖⴰⵏⵏ ⵏⵉⵖ ⵉⵎⴰⵡⴰⵙⵏ ⵉⴳⴷⵓⴷⴰⵏⵏ ⵙ ⵡⴰⴳⵍⴰ ⵏⵏⵙⵏ.
À découvrir également
ⵉⴷⵔⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵜⵙⵎⵓⵏⵉ ⵏ ⵓⵙⵇⵇⵉⵎ ⵏ ⵉⵎⵣⵣⵔⴰⵢⵏ ⵉⴱⵕⵕⴰⵏⵉⵢⵏ ⵏ ⵜⵎⵓⵏⵜ ⵜⴰⴼⵔⵉⵇⵉⵜ
ⵉⴷⵔⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵙⴳ ⵜⵓⴳⴳⵓⴳⵜ, ⵍⵍⵉⴳ ⵉⴳⴰ ⴰⴳⵎⴰⵎ ⴰⵎⵖⵍⴰⵍ, ⵙ ⵜⴳⵏⵙⴰⵙⵜ ⵏ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⴳ ⵜⵙⵎⵓⵏⵉ ⵏ ⵓⵙⵇⵇⵉⵎ ⵏ ⵉⵎⵣⵣⵔⴰⵢⵏ ⵉⴱⵕⵕⴰⵏⵉⵢⵏ ⵏ ⵜⵎⵓⵏⵜ ⵜⴰⴼⵔⵉⵇⵉⵜ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴰⵙⵙ ⵏ 22 ⴷ 23 ⵉⵏⵏⴰⵢⵔ 2025 ⴳ ⴰⵕⵓⵛⴰ ⴳ ⵜⴰⵏⵥⴰⵏⵢⴰ.