ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ
ⴰⴳⵣⵣⵓⵎ ⵙⴳ ⵜⴱⵔⴰⵜ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ ⵉ ⵉⵎⴷⵔⴰⵡⵏ ⵏ ⵓⴷⵡⴰⵍ ⴰⵏⴰⵎⵓⵔ ⵡⵉⵙ ⵙⵉⵏ ⵏ ⵜⵏⵎⵏⴰⴹⵜ ⵉⴳⵎⴰⵏ
"...ⵡⵉⵙ ⴽⴽⵓⵥ : ⵜⴰⵏⵥⵕⵜ ⵏ ⵓⵣⴷⴰⵢ ⵏ ⵜⵎⵙⵜⴳⴳⴰⵔⵜ ⴷ ⵜⵎⵙⵙⵉⴹⵏⵜ ⴳ ⵢⵉⴳⵔ ⵏ ⵓⵙⵡⵓⴷⴷⵓ ⵏ ⵓⵙⴽⴽⵉⵏ ⴰⵎⵓⵔⴰⵏ : ⵍⵍⵉⴳ ⴳⴰⵏⵜ ⵜⵎⵏⴰⴹⵉⵏ ⴰⴽⴷ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⵢⴰⴹⵏ ⵢⴰⵏ ⵓⴼⵔⴷⵉⵙ ⴰⴷⵙⵍⴰⵏ ⵏ ⵜⴰⵔⵜⵉⵏⵏⵓⵎⵙⴰ ⴳ ⵜⵎⵓⵔⵜ ⵏⵏⵖ ⴷ ⵢⴰⵜ ⵜⵔⵙⵍⵜ ⵜⴰⴷⵙⵍⴰⵏⵜ ⴳ ⵓⵙⵡⵓⴷⴷⵓ ⴰⵎⵓⵔⴰⵏ, ⵙ ⵓⵢⵏⵏⴰ ⵣⵎⵔⵏⵜ ⴰⴷ ⵟⵟⴼⵏⵜ ⴰⵎⵙⴰⵔⴰⵙ ⵏ ⵜⴳⵎⵉ ⴷ ⵓⵙⴱⴷⴷⵉ ⵏ ⵉⵙⵔⵜⴰⵏ ⵉⴱⵍⴷⵉⵢⵏ ⵏ ⵓⵙⵡⵓⴷⴷⵓ, ⵙ ⵜⵖⴰⵔⴰⵙⵜ ⵏ ⵓⵙⵖⵜⵙ ⴷ ⵓⵙⵖⵥⵏ ⵏ ⵡⴰⵎⵎⴰⴽⵏ ⵏ ⵜⵏⵏⵓⴱⴹⴰ ⴷ ⵜⴷⵉⵎⵓⵇⵕⴰⵟⵉⵜ ⴷ ⵜⵍⵍⵓⴳⵏⴰ ⴷ ⵜⵕⵡⵉ, ⵉⵇⵇⴰⵏ ⴷ ⵉⵍⵎⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ ⵉⵎⵏⵣⴰⵢⵏ ⵏ ⵓⵙⵖⵓⴷⵓ ⴷ ⵓⵙⴱⴷⴷⵉ ⵏ ⵓⴳⵓⴼⵙⵓ, ⵙ ⵜⵖⴰⵔⴰⵙⵜ ⵏ ⵓⵙⴱⵓⵖⵍⵓ ⵏ ⵜⴼⵍⵙⴰⴼⵜ ⵏ ⵓⴳⴳⵉⵡⵙ ⴷ ⵜⵎⵙⵙⵉⴹⵏⵜ, ⵙ ⵓⵙⵎⵀⵍ ⵏ ⵓⵎⵏⵣⴰⵢ ⴰⴷⵙⵜⴰⵔ ⵉⴱⴷⴷⵏ ⵅⴼ ⵓⵣⴷⴰⵢ ⵏ ⵜⵎⵙⵜⴳⴳⴰⵔⵜ ⴷ ⵜⵎⵙⵙⵉⴹⵏⵜ..."
20 ⴷⵓⵊⴰⵏⴱⵉⵔ 2024
ⵉⵏⴰⵡ ⴰⴳⵍⴷⴰⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ, ⴰⴷ ⵜ ⵉⵙⵙⵏⵔⵓ ⵕⴱⴱⵉ, ⵙ ⵜⵎⵍⴷⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ 2017-2018
"...ⵜⴳⴰ ⵜⵓⴷⴷⵎⴰ ⵏ ⵢⴰⵜ ⵏ ⵜⵊⵊⵍⵜ ⵜⴰⵎⵖⵜⴰⵙⵜ, ⵉⴱⴷⴷⵏ ⵅⴼ ⵓⵣⴷⴰⵢ ⵏ ⵜⵎⵙⵜⴳⴳⴰⵔⵜ ⴷ ⵜⵎⵙⵙⵉⴹⵏⵜ, ⴷ ⵓⵙⵡⵓⵔⵉ ⵅⴼ ⵡⵓⴹⵓⴼ ⵏ ⵜⵎⵔⴰⵔⵓⵜⵉⵏ ⴷ ⵉⴼⵙⴰⵢⵏ ⴷ ⵢⵓⵙⴰⵏ, ⵉ ⵜⵎⵓⴽⵔⵉⵙⵉⵏ ⴷ ⵜⵎⵙⴰⵔⵉⵏ ⵜⵉⵏⴼⵔⴰⵔⵉⵏ ⵏ ⵉⵏⵎⵓⵔⴰⵏ [...] ⵍⵍⵉⴳ ⵏⴳⴰ ⴰⵎⴹⴰⴽⴰⵍ ⵏ ⵓⵡⴰⵏⴽ ⵏ ⵓⵙⵍⴳⵏ, ⴷ ⵓⵏⴱⴷⴰⴷ ⵅⴼ ⵓⵣⵔⴰⴽ ⵏⵏⵙ, ⴷ ⵓⵎⵣⵡⴰⵔⵓ ⵏⵏⴰ ⵜ ⵉⵣⵣⴳⴰⵔⵏ, ⵀⴰ ⵏⵏ ⵓⵔ ⵊⵊⵉⵏ ⵏⴽⵓⴽⵔ ⴰⴷ ⵏⵍⴰⵜⵎ ⴽⵓ ⵢⴰⵏ ⵖⵔ ⵜⴻⵜⵜⵡⴰⴼ ⴽⵔⴰ ⵏ ⵜⵎⴳⵙⵙⵔⵜ, ⴳ ⵓⵙⴽⴰⵔ ⵏ ⵜⵎⵙⵜⴳⴳⴰⵔⵜ ⵏⵏⵙ ⵜⴰⵣⵣⵓⵍⴰⵏⵜ ⵏⵉⵖ ⵜⴰⵏⴰⵎⵓⵔⵜ [...] ⵎⴽⴷⴰ ⵏⵙⵡⴰⵍⴰ ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⵃⵎⴰ ⴰⴷ ⵉⵙⴽⵔ ⵜⵉⵙⵎⵉⴳⴰⵍ ⵏⵏⵙ ⴳ ⵜⴹⴼⵕⵉ ⴷ ⵓⵙⵓⵜⴳ ⵏ ⵉⵙⵏⵜⴰⵢ ⵉⴳⴷⵓⴷⴰⵏⵏ, ⴳ ⵜⵎⵏⴰⴹⵉⵏ ⴰⴽⴽⵯ ⵏ ⵜⴳⵍⴷⵉⵜ..."
13 ⴽⵟⵓⴱⵕ 2017
ⴰⴳⵣⵣⵓⵎ ⵙⴳ ⵉⵏⴰⵡ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ ⵉ ⵜⵎⵜⵜⵉ ⵙ ⵜⵎⵍⴷⴰ ⵏ ⵓⵍⵖⵓ ⵏ ⵓⵙⵏⵜⴰⵢ ⵏ ⵓⴷⵓⵙⵜⵓⵔ ⴰⵎⴰⵢⵏⵓ
"...ⴰⵙⴳⵓⵎ ⵡⵉⵙ ⵜⵥⴰ : ⴰⵙⴷⵓⵙ ⵏ ⵡⴰⵎⵎⴰⴽⵏ ⵏ ⵜⵏⵏⵓⴱⴹⴰ ⵉⵀⵢⵢⴰⵏ, ⴷ ⵓⵙⵖⵓⴷⵓ ⵏ ⵜⵓⴷⵔⵜ ⵜⴰⵎⴰⵜⴰⵢⵜ, ⴷ ⵓⵙⴱⴷⴷⵉ ⵏ ⵓⴳⵓⴼⵙⵓ, ⵙ ⵓⵙⵔⵓⵙ ⵏ ⵢⴰⵏ ⵓⵏⴳⵔⴰⵡ ⴰⵎⵔⵙⴰⵍ ⴰⵏⴰⵎⵓⵔ ⵉⵎⵙⴰⵙⴰⵏ ⴷ ⵓⵙⴽⴽⵉⵏ ⴰⴷ; ⴷ ⵓⵢⵏⵏⴰ ⵙ ⵜⵖⴰⵔⴰⵙⵜ ⵏ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴷ ⵉⵙⵇⵇⵉⵎⵏ ⵉⵏⵎⵏⴰⴹⵏ ⵏ ⵉⵙⵉⴹⵏⵏ ⴳ ⵓⴳⴳⵉⵡⵙ ⵏ ⵓⵥⵕⴼ ⴰⵎⴰⵜⴰⵢ, ⴷ ⵓⵙⵕⵚⵚⴰ ⵏ ⵉⵎⵏⵣⴰⵢⵏ ⵏ ⵜⵙⵓⵙⵖⵜ ⴷ ⵜⵎⵙⵜⴳⴳⴰⵔⵜ ⴷ ⵜⵎⵙⵙⵉⴹⵏⵜ, ⴷ ⴰⴷ ⵓⵔ ⵜⴻⵜⵜⵉⵍⵉ ⵜⵔⵓⵍⴰ ⵙⴳ ⵜⵎⵔⵔⵓⵜ, ⴷ ⵓⴷⵙⵜⵔ ⵏ ⵓⵙⵇⵇⵉⵎ ⵏ ⵓⵎⵣⵉⵣⵡⵔ, ⴷ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵡⴰⵔⴰⵢ ⵣⵣⵉⴳⵙ..."
17 ⵢⵓⵏⵢⵓ 2011
ⵜⴰⴱⵔⴰⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ ⵉ ⵉⵎⴷⵔⴰⵡⵏ ⵏ ⵜⵙⵓⵜⵍⵜ ⵜⵉⵙ ⵙⴰⵜ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⴳⵔⵓⵎⵎⴰ ⵜⴰⵄⵕⴰⴱⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ
"... ⵎⴽ ⵉⵍⵍⴰ ⵓⵙⴽⴽⵉⵏ ⴷ ⵉⵜⵜⴰⵡⵉⵏ ⴰⵙⴳⵓⵏⴼⵓ ⵉⴳⴰ ⵜⴰⵣⵣⵉⴳⵣⵜ ⵏⵏⴰ ⵉⵍⴽⵎ ⵓⴳⴳⵉⵡⵙ ⴰⵥⵕⴼⴰⵏ ⴳ ⵜⵎⵓⵔⵜ ⵏⵏⵖ ⵙ ⵜⵖⴰⵔⴰⵙⵜ ⵏ ⵜⵉⵍⴰⵍⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵓⵙⴼⵔⴽ ⴷ ⵡⴰⵏⵣⴰⵍ ⵏ ⵜⵖⴹⴼⵜ ⵙ ⵡⴰⵛⵛⵉⵍ ⵏ ⵓⵣⵔⴰⴽ ⵏ ⵓⵙⵍⴳⵏ ⴷ ⵓⵙⵖⵓⵏ ⵙ ⵜⵎⴳⴳⴰ ⴷ ⵉⵍⵓⴳⵏⵏ ⵙⵍⴰⵡⴰⵏ ⴰⴽⴽⵯ ⵍⵍⵉⴳ ⴷ ⵉⵙⵙⵓⴼⵖ ⴽⵉⴳⴰⵏ ⵏ ⵉⴱⴹⵉⵢⵏ ⴳ ⵢⵉⴳⵔ ⵏ ⵓⵣⵣⵔⴰⵢ ⵏ ⵉⵙⵉⴹⵏⵏ ⵏ ⵉⵎⵙⵉⴹⴰⵏ ⵉⴳⴷⵓⴷⴰⵏⵏ ⴷ ⵓⵙⵎⵓⴽⵏ ⵉⵣⴷⵉⵏ ⴷ ⵜⵎⵙⴰⵙⵜⵍⵜ ⴷ ⵉⵙⴽⴽⵉⵏⵏ ⵉⵥⵕⴼⴰⵏⵏ, ⵀⴰ ⵏⵏ ⴰⵔ ⵜ ⵏⵙⵙⵔⵇⴰⴱ ⵃⵎⴰ ⴰⴷ ⵉⵙⵅⵉⵜⵔ ⵜⵉⵣⵎⵎⴰⵔ ⵏⵏⵙ ⴷ ⴰⴷ ⵉⴽⴰⵎⴷ ⵎⵍⵉⵃ ⵙ ⵜⴱⵣⴰⵔⵜ ⴳ ⵜⵙⵏⵜⴰⵢⵉⵏ ⴷ ⵜⵡⵓⵔⵉⵡⵉⵏ ⵉⵜⵜⴰⵡⵙⴽⴰⵔⵏ ⵉ ⵓⵙⴼⵓⵍⴽⵉ ⵏ ⵜⵓⴷⵔⵜ ⵜⴰⵎⴰⵜⴰⵢⵜ ⴷ ⵓⵙⴱⴷⴷⵉ ⵏ ⵜⵓⴳⵜ ⵏ ⵡⴰⵏⴰⵡⵏ ⵏ ⵓⵣⵎⵣⵔ ⴷ ⵓⵙⵉⵍⵉ ⵏ ⵜⵔⴰⵔⵓⵜ ⵏ ⵜⵓⴳⵜ ⵏ ⵜⵏⵓⴼⴰ ⴷ ⵓⵙⵓⵜⴳ ⵏ ⵉⵙⵏⵜⴰⵢ ⵉⴳⴷⵓⴷⴰⵏⵏ, ⵍⵓⵎⵎⵏ ⵍⵍⵉⴳ ⴰⵙ ⵉⴼⴽⴰ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵜⵉⵎⵙⵜⴳⴳⴰⵔⵉⵏ ⵜⵉⵎⴰⵢⵏⵓⵜⵉⵏ ⵉⴳⴰⵏ ⴰⵙⵎⵏⵉⴷ ⵏ ⵜⵡⵉⵙⵉ ⵉ ⵓⴱⵕⵍⴰⵎⴰⵏ ⴷ ⵜⵏⴱⴰⴹⵜ ⴳ ⵉⴳⵔⴰⵏ ⵉⵜⵜⴰⴷⴼⵏ ⴳ ⵢⵉⴳⵔ ⵏ ⵜⵥⵍⴰⵢⵉⵏ ⵏⵏⵙ, ⴷⴰⵢ ⵉⵙⴽⵔ ⴳⵉⵙ ⵢⴰⵜ ⵜⵎⵔⵙⵍⵜ ⵜⴰⴷⵙⵜⴰⵔⵜ ⵉⴳⴰⵏ ⵜⴰⵙⵉⵎⴰⵏⵜ ⵅⴼ ⵓⴳⵔⴰⵡ ⵓⵣⵔⵉⴼ ⴷ ⵓⵎⵣⵣⴳⴰⵔ, ⴷ ⵢⴰⵜ ⵜⵏⴱⴰⴹⵜ ⵜⴰⵔⴰⵡⵙⴰⵏⵜ ⵏ ⵓⵎⵛⴰⵡⴰⵕ ⵉⵙⵙⵎⵏⵉⴷⵏ ⵜⴰⵏⵏⴰⵢⵉⵏ ⴷ ⵜⵙⵓⵎⴰⵔ ⵜⵉⵎⵙⵖⵓⵔⴰ ⵏⵏⴰ ⵙ ⴷⴰ ⵙⵙⴼⴰⵡⵏⵜ ⵜⵙⴳⵉⵡⵉⵏ ⵜⵉⵎⵏⵜⴰⵢⵉⵏ ⴳ ⵢⵉⵎⵉⵥ ⵏ ⵜⵖⵜⴰⵙⵉⵏ ⵏⵏⵙⵏⵜ ⴷ ⵓⵙⵏⵓⵎ ⵏ ⵉⵎⴰⵍⴰⴷⵏ ⵏⵏⴰ ⵉⵎⵎⴰⵍⴰ ⵓⵙⵇⵇⵉⵎ. ⵙ ⵓⴱⴷⴰⴷ ⵅⴼ ⵡⴰⵏⵏⴰⵍ ⵏ ⵜⵙⵔⵜⵉⵜ ⵏ ⵜⴰⵔⵜⵉⵏⵏⵓⵎⵙⴰ ⵏⵏⴰ ⵜⴹⴼⴰⵕ ⵜⵎⵓⵔⵜ ⵏⵏⵖ, ⵀⴰ ⵏⵏ ⵢⵉⵡⵉ ⴷ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⴰⵙⵔⵓⵙ ⵏ ⵉⵙⵇⵇⵉⵎⵏ ⵉⵏⵎⵏⴰⴹⵏ ⵏ ⵉⵙⵉⴹⵏⵏ, ⵉⵜⵜⵓⵙⵎⴰⴳⵍⵏ ⵙ ⵜⵙⵏⵙⵉ ⵏ ⵓⴳⴳⵉⵡⵙ ⵢⴰⵜⵜⵓⵢⵏ ⵏ ⵉⵙⵉⴹⵏⵏ ⴷ ⵓⵙⵡⵓⴷⴷⵓ ⵏ ⵜⴳⵔⴰⵡⵉⵏ ⵜⵉⴷⵖⵔⴰⵏⵉⵏ ⴷ ⵉⴳⵔⴰⵡⵏ ⵏⵏⴰ ⴰⵙⵏⵜ ⵉⴹⴼⴰⵕⵏ, ⵉⵙⵙⵓⵜⵏ ⵙⴳ ⵓⵙⵍⴳⵏ ⴰⴷ ⵉⵥⵍⵉ ⵜⵉⴱⵖⵓⵔⵉⵏ ⵏ ⵓⵙⵇⵇⵉⵎ ⴷ ⵉⵙⵇⵇⵉⵎⵏ ⵉⵏⵎⵏⴰⴹⵏ ⵏ ⵉⵙⵉⴹⵏⵏ ⴷ ⵉⵍⵓⴳⵏⵏ ⵏ ⵓⵙⵏⵎⴰⵍⴰ ⵏⵏⵙⵏ ⴷ ⵜⵎⴰⵎⴽⵜ ⵏ ⵜⵣⵣⵉⴳⵣⵜ ⵏⵏⵙⵏ..."
24 ⵉⴱⵔⵉⵔ 2001
ⴰⴳⵣⵣⵓⵎ ⵙⴳ ⵉⵏⴰⵡ ⴰⴳⵍⴷⴰⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ ⵙ ⵜⵎⵍⴷⴰ ⵏ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴹⴰⵢⵜ
"... ⴰⵔ ⵏⵜⵜⵍⴰⵖⴰ ⵜⴰⵏⴱⴰⴹⵜ ⵏⵏⵖ ⴰⴷ ⵜⵖⴰⵡⵍ ⴳ ⵓⵙⵎⴰⵔ ⵏ ⵉⵙⵍⴳⵏⵏ ⵉⵙⵏⵎⴰⵍⴰⵏ ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴷ ⵉⵙⵇⵇⵉⵎⵏ ⵉⵏⵎⵏⴰⴹⵏ ⵏ ⵉⵙⵉⴹⵏⵏ, ⵍⵍⵉⴳ ⴳⴰⵏ ⴰⵙⴰⵜⵉ ⴰⵏⵣⵔⴰⴼ ⵉⵜⵜⴰⵡⵙⵔⴰⵙⵏ ⵉ ⵓⴼⵔⴰⴳ ⵏ ⵓⵥⵕⴼ ⴰⵎⴰⵜⴰⵢ ⵙⴳ ⵉⴼⴰⵙⵙⵏ ⵏ ⵓⵙⴳⵓⴼⵙⵓ ⴷ ⵓⵔⵡⴰⵢ ⴷ ⵓⵙⵖⵍⵍⴰ ⵏ ⵓⵙⵓⴳⵔ ..."
15 ⴷⵓⵊⴰⵏⴱⵉⵔ 1999