ⵓⵎⴰⵏⵜ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵏⵏⴰ ⵉⵥⵍⵉⵏ ⵙ ⵓⵣⵣⵔⴰⵢ ⵏ ⵉⵙⵉⴹⵏⵏ ⵏ ⵓⵡⴰⵏⴽ ⴷ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ, ⴷ ⵉⵙⵇⵇⵉⵎⵏ ⵉⵏⵎⵏⴰⴹⵏ ⵏ ⵉⵙⵉⴹⵏⵏ ⵉⴳⴰⵏ 12 ⵏⵏⴰ ⵉⵜⵜⵓⵙⵎⴰⴳⵍⵏ ⵙ ⵓⴳⴳⵉⵡⵙ ⵏ ⵉⵙⵉⴹⵏⵏ ⵏ ⵜⴳⵔⴰⵡⵉⵏ ⵜⵉⴷⵖⵔⴰⵏⵉⵏ ⴷ ⵉⴳⵔⴰⵡⵏ ⵏⵏⵙⵏⵜ, ⴷ ⵜⵎⴰⵎⴽⵜ ⵏ ⵓⵙⵡⵓⴷⴷⵓ ⵏ ⵉⵙⴽⴽⵉⵏⵏ ⵏⵏⵙⵏⵜ.

ⴰⵔ ⵉⵥⵍⴰⵢ ⵓⵙⵍⴳⵏ ⵓⵟⵟⵓⵏ 62.99, ⵉⵣⴷⵉⵏ ⴷ ⵜⵓⴳⵔⵉⵡⵜ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ ⵜⵉⵥⵍⴰⵢⵉⵏ ⴷ ⵓⵙⵏⵎⴰⵍⴰ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ (ⴰⴷⵍⵉⵙ ⴰⵎⵣⵡⴰⵔⵓ) ⴷ ⵉⵙⵇⵇⵉⵎⵏ ⵉⵏⵎⵏⴰⴹⵏ ⵏ ⵉⵙⵉⴹⵏⵏ (ⴰⴷⵍⵉⵙ ⵡⵉⵙ ⵙⵉⵏ), ⴰⵡⴷ ⴰⵏⴳⵔⴰⵡ ⴰⴷⵙⵍⴰⵏ ⵉⵥⵍⵉⵏ ⵙ ⵉⵏⴱⴹⴰ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ (ⴰⴷⵍⵉⵙ ⵡⵉⵙ ⴽⵕⴰⴹ).

ⴰⵔ ⵉⵙⵙⵎⵔⴰⵙ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵢⴰⵜ ⵜⴱⵔⵉⴷⵜ ⵜⵓⵏⵖⵉⴷⵜ ⴳ ⵓⵙⵖⵉⵡⵙ ⵏ ⵜⵙⵎⵉⴳⴰⵍ ⵏ ⵓⴳⴳⵉⵡⵙ, ⵉⴱⴷⴷⵏ ⵅⴼ ⵓⵥⵍⴰⵢ ⵏ ⵉⵎⵉⵣⴰⵏ, ⴷ ⵓⵙⵓⵜⴳ ⵏ ⵡⴰⵜⵉⴳ ⵉⵔⵏⴰⵏ ⴷ ⵜⵓⵙⵓⵔⵜ ⵍⵍⵉ ⵉⵥⴹⴰⵕⵏ ⴰⴷ ⵜⵉⵍⵉ ⵖⵓⵔ ⵜⵙⵎⵉⴳⵍⵜ ⴳ ⵜⵓⴷⵔⵜ ⵏ ⵉⵏⵎⵓⵔⴰⵏ, ⴷ ⵜⵓⴳⴳⵓⵥⵜ ⵏ ⵜⵡⵀⵏⵉ ⵉⵅⵚⵚⴰⵏ ⵉ ⵓⵙⴰⴷⵎⵔ ⵏ ⵜⵎⵙⴰⵔⵉⵏ ⴷ ⵉⵎⵙⵓⵔⴰⵙ ⵉⵍⵍⴰⵏ ⴷⵖⵉ ⵏⵉⵖ ⴳ ⵉⵎⴰⵍ.

ⴰⵔ ⵉⵙⴽⴰⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴰⵣⵣⵔⴰⵢ ⵏ ⵉⵙⵉⴹⵏⵏ ⵏ ⵓⵡⴰⵏⴽ ⴷ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ, ⴷ ⵜⵎⵙⵙⵓⵔⵉⵏ ⵏⵏⴰ ⵎⵓ ⵉⴳⴰ ⵓⴷⴳⴰⵔ ⵏⵏⵙⵏⵜ ⵉⵙⵎⴷⵏ ⵏⵉⵖ ⵙ ⵜⵖⴰⵔⴰⵙⵜ ⵜⴰⵎⴳⵔⵓⵜ, ⵡⵉⵏ ⵓⵡⴰⵏⴽ ⵏⵉⵖ ⵜⵉⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵏⵉⵖ ⵜⵉⴳⵔⴰⵡⵉⵏ ⵜⵉⵎⵓⵔⴰⵏⵉⵏ. 

ⴰⵔ ⵙⴽⴰⵔⵏⵜ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ ⵙ ⵜⵖⴰⵔⴰⵙⵜ ⵏ ⵜⵥⵍⴰⵢⵉⵏ ⵏⵏⵙⵏⵜ ⵜⵉⵏⵣⵔⴰⴼⵉⵏ, ⵜⴰⵏⴱⴰⴹⵜ ⵏ ⵓⵣⵓⵛⵛⵍ ⵏ ⵡⴰⵥⵥⴰⵢⵏ ⵅⴼ ⵡⵓⴳⴳⵉⴷⵏ ⵍⵍⵉ ⵉⵙⴽⵔⵏ ⵓⵏⵓⴼⵏ ⵉⵣⴷⵉⵏ ⴷ ⴳⴰⵔ ⴰⵙⵡⵓⴷⴷⵓ ⵏ ⵉⴷⵔⵉⵎⵏ ⵉⴳⴷⵓⴷⴰⵏⵏ.

ⵎⴽ ⵜⵜⵡⴰⵏⵏⴰⵢⵏ ⴽⵔⴰ ⵏ ⵉⴳⵉⵜⵏ ⵏⵏⴰ ⴷ ⵉⵇⵇⴰⵏⵏ ⴰⴷ ⴼⵍⵍⴰⵙⵏ ⵉⵍⵉⵏ ⵡⴰⵥⵥⴰⵢⵏ ⵏ ⵓⵙⵎⵓⴳⵏ, ⴰⵔ ⵉⵙⵙⴰⵡⴰⴹ ⵓⴳⵏⵙⴰⵙ ⴰⵎⴰⵜⴰⵢ ⵏ ⵓⴳⵍⵍⵉⴷ ⵉⴳⵉⵜⵏ ⴰⴷ ⵉ ⵜⵙⴳⴰ ⵉⵥⵍⵉⵏ ⵙ ⵓⵙⵓⴼⵖ ⵏ ⵡⴰⵥⵥⴰⵢⵏ ⵏ ⵓⵙⵎⵓⴳⵏ ⵅⴼ ⵓⵎⵏⵜⴰⵢ. ⵉⵖ ⴷ ⵉⴼⴰⵡ ⵎⴰⵙ ⴷ ⵉⴳⵉⵜⵏ ⴰⴷ ⵉⵅⵚⵚⴰ ⴰⴷ ⴼⵍⵍⴰⵙⵏ ⵉⵍⵉⵏ ⵡⴰⵥⵥⴰⵢⵏ ⵓⵣⵏⵉⵔⵏ, ⴰⵔ ⵉⵙⴽⴰⵔ ⵓⴳⵏⵙⴰⵙ ⴰⵎⴰⵜⴰⵢ ⵏ ⵓⴳⵍⵍⵉⴷ, ⵙ ⵜⵙⵏⵜⴰⵢⵜ ⵏⵏⵙ, ⵏⵉⵖ ⵙ ⵜⵓⵜⵔⴰ ⵏ ⵓⵏⵙⵙⵉⵅⴼ ⴰⵎⵣⵡⴰⵔⵓ, ⵙ ⵓⵙⵉⴼⴹ ⵏ ⵜⵎⵙⴰⵔⵜ ⵉ ⵓⴳⵏⵙⴰⵙ ⴰⵎⴰⵜⴰⵢ ⵏ ⵓⴳⵍⵍⵉⴷ ⵖⵔ ⵜⵙⵏⴱⴹⴰⵢⵜ ⵏ ⵜⵕⵓⵥⵉ ⵃⵎⴰ ⴰⴷ ⵉⵙⴽⵔ ⵜⵉⵎⴳⴳⴰ ⵍⵍⵉ ⴷ ⵢⵓⵙⴰⵏ, ⴷ ⴰⴷ ⵉⵙⵏⵖⵎⵙ ⵜⴰⵙⴳⴰ ⵏⵏⴰ ⵎⵓ ⵉⴹⴼⴰⵕ ⵓⵎⵏⵜⴰⵢ.

ⴰⵔ ⴷ ⵉⵙⵙⵓⴼⵓⵖ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⴳ ⵜⴳⵉⵔⴰ ⵏ ⴽⵓ ⴰⵙⴳⴳⵯⴰⵙ ⴰⵥⵕⴼⴰⵏ, ⵢⴰⵜ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵉⵙⵎⵓⵏⴰⵏ ⵜⵉⵢⴰⴼⵓⵜⵉⵏ ⵏ ⵜⵙⵎⵉⴳⴰⵍ ⵏ ⵓⴳⴳⵉⵡⵙ ⵍⵍⵉ ⵉⵜⵜⴰⵡⵙⴽⴰⵔⵏ. ⵎⴽⴷⴰ ⴷ ⵉⵙⵙⵓⴼⵓⵖ ⵜⵉⵎⵙⵙⴽⵜⴰⵢ ⵜⵉⵎⵖⴰⵡⵍⵉⵏ ⵏ ⵓⵏⵙⵙⵉⵅⴼ ⴰⵎⵣⵡⴰⵔⵓ, ⴷ ⵜⴰⵏⴰⴹⵜ ⵏ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ, ⴷ ⵜⵙⴳⵓⵔⵉ ⵜⴰⵎⴰⵜⴰⵢⵜ ⵏ ⵓⵎⵙⴰⵙⴰ, ⴰⵡⴷ ⵜⴰⵏⴰⴹⵉⵏ ⵉⵥⵍⵉⵏ ⵙ ⵜⵙⵎⵉⴳⴰⵍ ⵏ ⵓⴳⴳⵉⵡⵙ ⵏ ⵓⵙⵡⵓⴷⴷⵓ ⴷ ⵜⴰⵏⴰⴹⵉⵏ ⵜⵉⵙⴳⵓⵎⴰⵏⵉⵏ.

ⴰⵔ ⵉⴼⵙⵙⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵜⴰⵏⴰⴹⵉⵏ ⵜⵉⵙⴳⵯⵙⴰⵏⵉⵏ ⵏⵏⴰ ⵉⵙⵎⵓⵏⴰⵏ ⵇⴰⵃ ⵜⵉⵙⵎⵉⴳⴰⵍ ⵏⵏⴰ ⵉⵜⵜⴰⵡⵙⴽⴰⵔⵏ ⴳ ⵓⵙⴳⴳⵯⴰⵙ ⴰⵏⵏ.

ⵖⵉⴽⵍⵍⵉ ⵉⴼⵙⵙⵔ ⴽⵓ ⴰⵙⴳⴳⵯⴰⵙ ⵜⴰⵏⴰⴹⵜ ⵏ ⵓⵣⵣⵔⴰⵢ ⵏ ⵉⵙⵉⴹⵏⵏ ⵏ ⵉⵎⵓⵍⵍⵉⵜⵏ ⵉⵙⵔⵜⴰⵏⵏ, ⴷ ⵜⴰⵏⴰⴹⵜ ⵏ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ, ⴰⵡⴷ ⵜⵉⵢⴰⴼⵓⵜⵉⵏ ⵏ ⵓⵣⵣⵔⴰⵢ ⵏ ⵉⵙⵉⴹⵏⵏ ⵏ ⵉⵎⵣⵉⵣⵣⵍⵏ ⵉⵏⵙⵜⴰⵢⵏ ⵏ ⵉⴳⵏⵙⴰⵙⵏ ⵏ ⵜⵍⴳⴰⵎⵉⵏ ⵜⵉⵏⵙⵜⴰⵢⵉⵏ ⵙ ⵜⵎⵍⴷⴰ ⵏ ⵉⵙⵜⴰⵢⵏ.

ⴳ ⵓⵙⴰⵜⵉ ⵏ ⵜⵎⵓⵏⵜ ⵏⵏⵙ ⴰⴽⴷ ⵉⵙⴳⴳⴷⵏ ⵉⵙⵜⵔⴰⵜⵉⵊⵉⵏ ⵏ ⵜⵎⵓⵔⵜ, ⴰⵔ ⵉⴼⵙⵙⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵜⴰⵏⴰⴹⵉⵏ ⵜⵉⵙⴳⵓⵎⴰⵏⵉⵏ ⵏⵏⴰ ⵉⵙⴰⵡⴰⵍⵏ ⵅⴼ ⵉⵙⵏⵜⴰⵢ ⴷ ⵉⴳⵔⴰⵏ ⵉⵎⵢⴰⵏⴰⵡⵏ.

ⵓⴳⴰⵔ ⵏ ⵎⴰⵢⴰ, ⴰⵔ ⵉⴼⵙⵙⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵜⵓⵙⵙⵉⴼⵉⵏ ⵙⴳ ⵉⴱⴹⵉⵢⵏ ⴷ ⵜⵖⵜⴰⵙⵉⵏ ⵜⵉⵏⵣⵔⴰⴼⵉⵏ ⵏⵏⴰ ⴷ ⵉⵙⵙⵓⴼⵓⵖ, ⵙ ⵓⴱⴷⴰⵔ ⵏ ⵉⵍⵓⴳⵏⵏ ⵙⵔⵙⵏⵜ ⵉⵣⴷⵉⵏ.

ⵇⴰⵃ ⵜⴰⵏⴰⴹⵉⵏ ⵉⵜⵜⴰⵡⵥⵕⴰⴳⵏ ⵉⵥⴹⴰⵕ ⴰⴷ ⴰⵙⵏⵜ ⵉⵜⵜⴰⵡⵙⴽⴰⵔ ⵡⴰⴳⴰⵎ ⵙⴳ ⵜⵡⵡⵓⵔⵜ ⵜⴰⵎⴰⴷⴷⵓⴷⵜ ⵏ ⵓⵙⵇⵇⵉⵎ. ⵎⴽⴷⴰ ⵜⵜⴰⵡⴼⵙⴰⵔⵏⵜ ⵜⴰⵏⴰⴹⵉⵏ ⴰⴷ ⴳ ⵓⵖⵎⵉⵙ ⴰⵎⴰⴷⴷⵓⴷ.

La Cour des Comptes accorde une attention particulière aux réclamations parvenues. Elle en a fixé les modalités de réception, d’examen, de suivi et de la communication autour des résultats de son traitement.
Dans ce sens, la Cour des Comptes a mis en ligne une plateforme de signalement permettant à toutes les parties prenantes, y compris les citoyennes et citoyens de soumettre et de suivre leurs réclamations, tout en garantissant l’anonymat des lanceurs d’alertes.