ⵜⴷⵔⴰ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⵍⵍⵉⴳ ⵜⴳⴰ ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ (ⵊⵓⵔⵉⵙⴰⵢ), ⴳ ⵜⵡⵓⵔⵉⵡⵉⵏ ⵏ ⵜⵙⵎⵓⵏⵉ ⵏ ⵓⵙⵇⵇⵉⵎ ⴰⵎⵣⵣⴳⴰⵔ ⵏ ⵉⵏⵜⵓⵙⴰⵢ, ⵉⵜⵜⵓⵙⵏⵎⴰⵍⴰⵏ ⴳ ⵜⵎⴷⵉⵏⵜ ⵏ ⵍⵇⴰⵀⵉⵔⴰ, ⴰⵙⵙ ⵏ 28 ⴽⵟⵓⴱⵕ 2024.ⴳ ⵜⴳⵓⵔⵉ ⵏⵏⵙ ⴳ ⵎⴰⴷ ⵉⵥⵍⵉⵏ ⵙ ⵓⵎⵏⵏⵉ ⵉⵜⵜⴰⵡⵙⵔⴰⵙⵏ ⴳ ⵓⵖⴰⵡⴰⵙ ⵏ ⵜⵡⵓⵔⵉⵡⵉⵏ ⵉⵥⵍⵉⵏ ⵙ ⵊⵓⵔⵉⵙⴰⵢ, ⵜⵙⵙⴽⵜⵉ ⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵙ ⵉⵡⵜⵜⴰⵙⵏ ⵉⴷⵙⵍⴰⵏⵏ ⵏ ⵜⵎⴰⴷⴷⴰⵙⵜ, ⵏⵏⴰ ⵉⴳⴰⵏ ⴰⵙⵉⵍⵉ ⵏ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⵎⵔⵙⴰⵍ ⵏ ⵓⵙⴳⵔⴰⵡ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ, ⵙ ⵎⴰⴷ ⵉⵙⴽⴰⵔⵏ ⵜⴰⵏⴰⴼⵓⵜ ⵉ ⵉⴳⵔⴰⵡⵏ ⴰⴷ, ⴷ ⴰⵔ ⵉⴱⵣⵣⵔ ⴳ ⵓⵙⵔⵓⵙ ⵏ ⵉⵡⵜⵜⴰⵙⵏ ⵉⵎⴰⵜⴰⵢⵏ ⵏ ⵉⵏⵜⵓⵙⴰⵢ.ⴳ ⵓⵙⴰⵜⵉ ⴰⴷ, ⵜⵙⵎⴰⵢⵏⵓ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⴰⵙⴷⴷⵉⴷ ⵏ ⵜⴳⵯⵎⴰⵏⵉⵜ ⵏ ⵊⵓⵔⵉⵙⴰⵢ ⵖⵔ ⵡⴰⵎⵓⵏ ⴰⴳⵔⴰⵖⵍⴰⵏ ⵏ ⵉⵏⵜⵓⵙⴰⵢ, ⵏⵏⴰ ⴱⴰⵀⵔⴰ ⵉⴼⴰⵡⵏ ⴳ ⵓⵏⴳⵔⴰⵡ ⵏⵏⵙ ⴰⴷⵙⵍⴰⵏ ⴷ ⵓⵖⴰⵡⴰⵙ ⵏⵏⵙ ⴰⵙⵜⵔⴰⵜⵉⵊⵉ. ⴷⴰⵢ ⵜⵙⴷⴷⵉⴷ ⵉⵙ ⵜⵉⵏⵥⴰⵕ ⵉⵡⴰⵍⴰⵏ ⵉⵎⵓⵙⵙⵓⵜⵏ ⵉⵏⵣⵔⴰⴼⵏ, ⵓⵔ ⵖⵉⴼⵙ ⵉⵙⵙⴰⵡⴰⵍ ⵊⵓⵔⵉⵙⴰⵢ ⵖⴰⵙ ⴳ ⵓⵙⴰⵜⵉ ⵏ ⵉⵙⵏⵜⴰⵢ ⴷ ⵉⵎⵓⵙⵙⵓⵜⵏ ⵏⵏⴰ ⵖⵔⵙ ⵉⵣⵡⴰⵔ ⵉⵏⵜⵓⵙⴰⵢ ⴳ ⵓⵙⵡⵉⵔ ⵉⵔⵉⵡⵏ, ⴰⵡⴷ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⵉⴷⵓⵙⵏ ⴰⴽⴷ ⵉⴳⵔⴰⵡⵏ ⵏⵏⵙ.ⵜⴳⴰ ⵜⴽⵛⵛⵓⵎⵜ ⵏ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵢⴰⵜ ⵜⵎⵍⴷⴰ ⵏ ⵓⵙⵓⵜⵔ ⵏ ⵡⴰⵏⵏⴰⵍ ⵏ ⵓⵙⵇⵇⵉⵎ ⴰⵎⵣⵣⴳⴰⵔ ⵏ ⵉⵏⵜⵓⵙⴰⵢ, ⵉ ⵊⵓⵔⵉⵙⴰⵢ, ⵍⵍⵉⴳ ⵉⴳⴰ ⵜⴰⵙⴹⴼⵕⵜ ⵏ ⵉⵏⵜⵓⵙⴰⵢ. ⵙ ⵎⴰⴷ ⵉⵙⴷⵓⵙⵏ ⵜⵓⵙⵏⵜ ⵙ ⵡⴰⵜⵉⴳⵏ ⴷ ⵡⵓⵎⵄⵉⵏⵏ ⵏ ⵓⵣⵓⵔⵜ ⴰⵏⵣⵔⴰⴼ, ⴷ ⵓⵙⵉⵍⵉ ⵏ ⵜⵓⵙⵓⵔⵜ ⵏ ⵜⵙⵖⴰⵏ ⵜⵉⵏⵣⵔⴰⴼⵉⵏ, ⴳ ⵓⵙⵎⴰⴷ ⵏⵏⵙⵏⵜ ⴰⴽⴷ ⵜⵙⵖⴰⵏ ⵏ ⵜⵎⵏⵥⵉⵜ ⴷ ⵓⵙⵓⵜⴳ.ⵉⵙⵏⴱⴳⵉ ⵓⵙⵇⵇⵉⵎ ⴰⵎⵣⵣⴳⴰⵔ ⵙ ⵓⵙⵓⵜⵔ ⴰⴷ ⵙ ⵜⵖⴰⵔⴰⵙⵜ ⵏ ⵜⵙⵖⵏⵜ ⵏⵏⵙ ⵙ ⵜⵓⴳⵜⵜ ⵉ ⵢⴰⵜ ⵜⵙⵓⵎⵔⵜ ⵏ ⵓⵙⴳⴳⴷ ⵏ ⵓⵏⴳⵔⴰⵡ ⴰⴷⵙⵍⴰⵏ ⵏ ⵉⵏⵜⵓⵙⴰⵢ, ⴷ ⵓⵢⵏⵏⴰ ⵙ ⵜⵖⴰⵔⴰⵙⵜ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⵏⵏⵙ ⴷ ⵢⵓⵙⴰⵏ ⵏⵏⴰ ⵖⴰ ⵉⵜⵜⵓⵙⵏⵎⴰⵍⴰⵏ ⴳ ⵎⵉⵚⵕ ⴳ ⵓⵙⴳⴳⵯⴰⵙ ⵏ 2025.

ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵢⴰⵜ ⵜⵙⵓⵜⵍⵜ ⵜⴰⵙⵎⴰⵜⵜⴰⴳⵜ ⵅⴼ ⵓⵙⵓⵜⴳ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵏ ⵓⵥⵕⴼ ⴰⴳⴷⵓⴷⴰⵏ ⴷ ⵜⵎⵙⵙⵉⴹⵏⵜ, ⴳ ⵓⵙⴰⵜⵉ ⵏ ⵓⵙⵖⴰⵍ ⵏ ⵜⵡⵓⵔⵉ ⵏ «SAI-PMF». ⵜⴻⵜⵜⵓⵙⵏⵎⴰⵍⴰ ⵜⵙⵓⵜⵍⵜ ⴰⴷ ⴳ ⵡⴰⵎⵎⴰⵙ ⵏ ⵜⴳⵎⵉ ⵏ ⵜⵣⵎⵎⴰⵔ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ, ⴳ ⵕⵕⴱⴰⵟ, ⵏⴳⵔ 07 ⴷ 10 ⴽⵟⵓⴱⵕ 2024, ⵙ ⵡⵓⵜⵓⵢ ⵏ ⵉⵏⴱⴹⴰ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵍⵎⵖⵔⵉⴱ.ⵜⵡⴰⵜⵜⵙ ⵜⵙⵏⵜⴰⵢⵜ ⴰⴷ, ⵏⵏⴰ ⵉⵜⵜⴰⵡⵣⵣⴳⴰⵔⵏ ⵙ ⵓⴷⵔⴰⵡ ⴷ ⴰⴼⵕⵓⵙⴰⵢ, ⴰⵙⴷⵓⵙ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ, ⵉ ⵉⴳⵎⴰⵎⵏ ⴳ ⵓⵙⵇⵇⵉⵎ ⴰⵙⴳⴰⵡⴰⵏ ⵜⴰⴼⴰ ⴰⴷ ⵢⵉⵍⵉ ⵓⵙⴰⵏⵓⵏ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ ⴳ ⵡⴰⴼⵔⵉⵇⵢⴰ ⵜⴰⴼⵕⴰⵏⴽⵓⴼⵓⵏⵜ ⵏ ⵢⵉⴼⴼⵓⵙ ⵏ ⵜⵏⵣⵔⵓⴼⵜ (CREFIAF). ⵢⵓⵣⵔ ⴳⵉⵙ ⴰⵜⵜⴰⵢⵏ ⵏ 20 ⵏ ⵓⵏⴱⴹⵓ ⴷ ⵓⵎⵣⵣⵔⴰⵢ ⵉⴹⴼⴰⵕⵏ 12 ⵏ ⵓⴳⵔⴰⵡ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵙⴳ ⵉⵡⴰⵏⴽⵏ ⵉⴼⵔⵉⵇⵉⵢⵏ ⴰⵎ ⴽⴰⵎⵉⵕⵓⵏ ⴷ ⴱⵓⵕⵓⵏⴷⵉ ⴷ ⴽⵓⵜ ⴷⵉⴼⵡⴰⵕ ⴷ ⵎⴰⵍⵉ ⴷ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵕⴰⵟⵉⵜ ⵏ ⴽⵓⵏⴳⵓ ⴷ ⵙⵙⵉⵏⵉⴳⴰⵍ ⴷ ⵎⴰⴷⵖⴰⵛⵇⴰⵔ ⴷ ⵜⴳⴷⵓⴷⴰⵏⵜ ⵏ ⵡⴰⴼⵔⵉⵇⵢⴰ ⵜⴰⵏⴰⵎⵎⴰⵙⵜ ⴷ ⴱⵓⵕⴽⵉⵏⴰ ⴼⴰⵚⵓ ⴷ ⵜⵜⵛⴰⴹ ⴷ ⵟⵟⵓⴳⵓ ⴷ ⵍⵎⵖⵔⵉⴱ.ⴷⴰⵢ ⵜⵡⴰⵜⵜⵙ ⵜⵙⵓⵜⵍⵜ ⴰⴷ ⵜⴰⵙⵎⴰⵜⵜⴰⴳⵜ ⴳ ⵓⵎⵣⵡⴰⵔⵓ ⴰⵙⵉⵥⴹⵕ ⵏ ⵉⵎⴷⵔⴰⵡⵏ ⵅⴼ ⵓⵙⵏⴰⵎ ⵏ ⵜⵔⵙⴰⵍ ⵜⵉⵎⵉⵥⵉⵕⵉⵏ ⴷ ⵜⵉⵏ ⵜⵡⵓⵔⵉ ⵏ ⵉⵎⴰⵙⵙⵏ ⴷ ⵜⴱⵔⵉⴷⵉⵏ ⵏ ⵓⵣⵣⴳⵉⵔ ⵏ ⵜⵙⵎⵉⴳⵍⵜ ⵏ ⵓⵙⵓⵜⴳ ⵏ ⵜⵡⵓⵔⵉ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵙ ⵓⵙⵎⵔⵙ ⵏ ⵓⵙⴰⵜⵉ ⵏ "SAI-PMF". ⵔⴰⴷ ⵣⵎⵔⵏ ⵉⵎⴷⵔⴰⵡⵏ ⴳ ⵜⴳⵉⵔⴰ ⵏ ⵜⵙⵓⵜⵍⵜ ⴰⴷ ⵙⵖⵉⵡⵙⵏ, ⵣⵣⴳⵔⵏ ⵜⴰⵙⵎⵉⴳⵍⵜ ⵏ ⵓⵙⵓⵜⴳ ⵏ ⵜⵡⵓⵔⵉ ⵏ ⵉⴳⵔⴰⵡⵏ ⵏⵏⵙⵏ ⵙ ⵓⵎⵙⴰⵙⴰ ⴷ ⵓⵙⴰⵜⵉ ⴰⴷ, ⵜⴰⴼⴰ ⴰⴷ ⵜⵖⵓⴷⵓ ⵜⵡⵓⵔⵉ ⵏⵏⵙⵏ, ⴷ ⴰⴷ ⵢⵉⵍⵉ ⵓⴼⴰⵔⵙ ⵏ ⴽⵔⴰ ⵏ ⵜⴰⵏⴰⴹⵉⵏ ⵜⵉⴳⴷⵓⴷⴰⵏⵉⵏ ⵉⵕⵡⴰⵏ, ⵙ ⵎⴰⴷ ⵉⴱⵣⵣⵔⵏ ⴳ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⵏ ⵉⵏⵎⵓⵔⴰⵏ ⴷ ⵜⴼⵓⵍⵉⵏ ⵉⵍⴰⵏ ⴰⵎⵢⴰⵙⵙⴰ ⵢⴰⴹⵏ ⴰⵡⴷ ⵏⵉⵜⵏⵉ ⴳ ⵓⵙⵖⵓⴷⵓ ⵏ ⵓⵙⵡⵓⴷⴷⵓ ⵏ ⵓⵥⵕⴼ ⴰⴳⴷⵓⴷⴰⵏ ⴷ ⵓⵙⵇⵙⵉ ⴷ ⵜⵏⵏⵓⴱⴹⴰ ⵉⵀⵢⵢⴰⵏ ⴷ ⵜⵙⵓⵙⵖⵜ ⴷ ⵜⵣⴷⴳⵉ.

ⵜⵙⵙⵉⵡⵍ ⵎⴰⵙⵙⴰ ⵣⵉⵏⴱ ⵍⵄⴰⴷⴰⵡⵉ, ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⴳ ⵜⴳⵓⵔⵉ ⵏⵏⵙ ⵜⴰⵎⴳⴳⴰⵔⵓⵜ ⵏ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵏⵏⴰ ⵜⵙⵏⵎⴰⵍⴰ ⵜⵙⵏⴱⴹⴰⵢⵜ ⵏ ⵉⵙⵉⴹⵏⵏ ⴳ ⴼⵕⴰⵏⵙⴰ, ⵙ ⵜⵎⵍⴷⴰ ⵏ ⵓⵙⵏⵎⴰⵍⴰ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵜⴰⵎⵔⵙⴰⵍⵜ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ (ⵊⵓⵔⵉⵙⴰⵢ), ⴷⴷⵓ ⵜⵎⴰⵜⴰⵔⵜ "ⴰⵎⵣⵣⵔⴰⵢ ⴰⵏⴱⴹⵓ, ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵏⵏⴰ ⵉⵜⵜⴰⵙⵉⵏ ⵜⵉⵖⵜⴰⵙⵉⵏ", ⵅⴼ ⵓⵙⵉⵡⵍ ⵏ ⵓⵙⵔⵓⵙ ⵏ ⵜⵎⵙⴽⵔⵜ ⵏ ⵜⵥⵍⴰⵢⵉⵏ ⵜⵉⵏⵣⵔⴰⴼⵉⵏ ⴳ ⵓⵎⵏⴰⴹ ⵉⵔⵉⵡⵏ ⵏ ⵉⴳⵉ ⴰⴳⴷⵓⴷⴰⵏ. ⵜⵏⵏⴰ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵉⵙ ⴷ ⵉⵇⵇⴰⵏ ⵉ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴰⴷ ⵡⴰⵜⵜⵙⵏ ⴰⵙⵔⵓⵙ ⵏ ⵓⵎⵢⴰⵙ ⵉⵎⵙⴰⵙⴰⵏ ⵏⴳⵔ ⵡⴰⵏⵢⴰ ⵏ ⵜⵎⵔⵔⵓⵜ ⴷ ⵓⵃⵟⵟⵓ ⵏ ⵜⵥⵉⴹⴰⵕ ⵏ ⵉⵎⵙⵡⵓⴷⴷⴰ ⵏ ⵉⵙⵍⵍⵡⵉ ⴷ ⵉⵎⵉⵣⴰⵏ.ⴷⴰⵢ ⵜⵏⵏⴰ ⵉⵙ ⵉⵅⵚⵚⴰ ⵉ ⵉⴳⵔⴰⵡⵏ ⴰⴷ, ⴰⴷ ⴳⵏ ⵜⵉⵣⵉ ⴰⵡⴷ ⵉ ⵓⵙⵙⵓⵏⵏⴹ ⵉⵜⵜⴳⵓⴷⵉⵏ ⵏ ⵉⵣⵓⵣⴰ ⵏ ⵓⵙⵖⵜⵙ ⵖⵔ ⵜⵙⴳⵉⵡⵉⵏ ⵉⵍⵍⴰⵏ ⴷⴷⴰⵡ ⵏ ⵓⴳⴳⵉⵡⵙ ⴷ ⴰⴷ ⴳⵏ ⵜⴰⵎⴰⴳⵍⴰⵢⵜ ⴳ ⵓⵙⵏⵄⵜ ⵏ ⵇⴰⵃ ⵜⵉⵎⵙⵜⴳⴳⴰⵔⵉⵏ ⴷ ⵓⴱⵟⵟⵓ ⵏ ⵜⵎⵔⵔⵓⵜⵉⵏ ⴷⴰⵖ, ⴷ ⵓⵙⴱⵓⵖⵍⵓ ⵏ ⵜⵎⵢⴰⴷⴰⵙⵉⵏ ⵏⵏⵙⵏ ⵉ ⵓⴽⴰⵎⴷ ⵏ ⵡⴰⴷⴷⴰⴷⵏ ⴷ ⵜⵎⵏⵜⴰⵍ ⵏ ⵉⴳⵉ ⵏ ⵉⵣⵏⵏⵣⵔⵉⵜⵏ.ⵙⴳ ⵜⵙⴳⴰ ⵢⴰⴹⵏ, ⵜⵙⵙⵉⵡⵍ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵅⴼ ⵜⵏⵥⴰⵕ ⵏⵏⴰ  ⵜⵙⴽⴰⵔ ⵜⵏⴱⴰⴹⵜ ⵏ ⵢⵉⵎⵉⵥ ⵏ ⵜⵖⵜⴰⵙⵉⵏ ⵜⵉⵏⵣⵔⴰⴼⵉⵏ ⵅⴼ ⵉⴳⵔⴰⵡⵏ ⵉⵎⴰⵜⵜⴰⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵙ ⵓⵙⵉⵜⵉ ⴰⴷ, ⴰⵡⴷ ⵜⵓⵙⵓⵔⵉⵏ ⵜⵉⵏⴰⵡⴰⵢⵉⵏ ⴷ ⵜⵉⵏ ⵜⵡⵓⵔⵉ ⴷ ⵜⵎⴰⴷⴷⴰⵙⵉⵏ ⵖⵔⵙ ⵉⵇⵇⵏⵏ.ⴷⴰⵢ ⵜⵙⴷⴷⵉⴷ ⴰⵙⵙⴰⵔ ⵏ ⵢⴰⵏ ⵓⴱⵟⵟⵓ ⴰⵎⵔⵙⴰⵍ ⴰⵎⴽⵕⴰⵥ ⵉⴼⴰⵡⵏ ⵏⴳⵔ ⵜⵙⵖⴰⵏ ⵏ ⵓⵎⵣⵣⵔⴰⵢ ⴷ ⵓⵏⴱⴹⵓ, ⴷ ⵡⴰⵜⵉⴳ ⵏ ⵓⵙⵖⵉⵡⵙ ⴰⵙⵜⵔⴰⵜⵉⵊⵉ ⵉⵜⵜⵓⵣⴷⴰⵢⵏ ⵏⵏⴰ ⵉⵡⴰⵜⵜⵙⵏ ⵜⵓⴳⵉ ⵏ ⵓⵙⵎⴰⴷ ⵏⴳⵔ ⵜⵙⵖⴰⵏ ⵜⵉⵏⵣⵔⴰⴼⵉⵏ ⴷ ⵜⴰⵔⵏⵣⵔⴰⴼⵉⵏ, ⴷ ⵓⵙⵕⵚⵚⴰ ⵏ ⵉⵙⵓⵔⴰ ⵉⵎⵔⵙⴰⵍⵏ ⵉⵕⵡⴰⵏ ⵏ ⵓⵣⴷⴷⵓⵢ ⴷ ⵓⵎⵢⴰⵡⴰⴹ ⵏⴳⵔ ⵜⵙⵎⵉⴳⴰⵍ ⵏ ⵓⵣⵣⵔⴰⵢ ⴷ ⵜⵡⵓⵔⵉ ⵜⴰⵏⵣⵔⴰⴼⵜ ⵏⵏⴰ ⵙⴽⴰⵔⵏ ⵉⴳⵔⴰⵡⵏ ⵉⵎⴰⵜⵜⴰⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ.ⵎⴽⴷⴰ ⵜⴱⴷⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵖⵔ ⵜⵏⵥⵕⵜ ⵜⴰⵢⵓⴳⴰⵏⵜ ⵏⵏⴰ ⵉⵡⴰⵍⴰⵏ ⵉⴳⵔⴰⵡⵏ ⵉⵎⴰⵜⵜⴰⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⴳⴰⵏ ⴰⵙⴷⵓⵙ ⵏ ⵜⵣⵣⵓⵍⴰ ⵏ ⵓⵏⴱⴹⵓ-ⴰⵎⵣⵣⵔⴰⵢⵏ ⵙ ⵎⴰ ⵖⵔⵙ ⵉⵇⵇⵏⵏ ⵙⴳ ⵉⵎⴰⵙⵙⵏ ⵏ ⵓⵙⵡⵓⴷⴷⵓ ⵏ ⵓⴷⴳⴰⵔ ⴰⵏⴼⴳⴰⵏ ⴷ ⵓⴹⴰⴽⴰⵍ ⵏ ⵜⵕⵡⵉ ⵏ ⵜⵎⴳⴳⴰ.ⵜⴱⵓⵖⵍⴰ ⵜⵎⵙⴰⵔⵜ ⴰⴷ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵓⵎⵢⴰⵡⴰⵙ ⴷ ⵜⵎⵔⵙⵍⵜ ⵜⴰⴳⵔⴰⵖⵍⴰⵏⵜ ⵏ ⵓⵥⵕⴼ ⴰⵎⴰⵜⴰⵢ FONDAFIP, ⵙ ⵜⴷⵔⴰⵡⵜ ⵏ ⵜⵓⴳⵜⵜ ⵏ ⵉⵡⵔⵉⴽⵏ ⵉⵜⵜⵡⴰⵙⵙⵏⵏ, ⴳⵉⵙⵏ ⵉⵏⵙⵙⵉⵅⴼⵏ ⴷ ⵉⵎⵙⵜⴳⴳⴰⵔⵏ ⵏ ⵉⴳⵔⴰⵡⵏ ⵉⵎⴰⵜⵜⴰⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ, ⴰⵡⴷ ⵉⵎⵓⵣⴰⵢⵏ ⴷ ⵉⴽⴰⴷⵉⵎⵉⵢⵏ ⴷ ⵉⵎⵔⵣⵓⵜⵏ.

ⵉⵜⵜⴰⵡⵙⵜⴰⵢ, ⴰⵙⵙ ⵏ ⵓⵙⵉⵏⴰⵙ ⴳ ⴱⴰⵔⵉⵣ, ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⵅⴼ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ (ⵊⵓⵔⵉⵙⴰⵢ)ⵉⴳⴰ ⵓⵙⵜⴰⵢ ⴰⴷ ⵙⴳ ⵉⵣⵎⵣⵣⴰ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵜⴰⵎⵔⵙⴰⵍⵜ ⵏ ⵜⵎⴰⴷⴷⴰⵙⵜ ⵏ (ⵊⵓⵔⵉⵙⴰⵢ), ⵏⵏⴰ ⴳⵉⵙ ⵢⵓⵣⵔ ⵢⴰⵏ ⵓⴽⴰⴱⴰⵕ ⵙ ⵜⵏⵙⵙⵉⵅⴼⵜ ⵏ ⵜⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⵎⴰⵙⵙⴰ ⵣⵉⵏⴱ ⵍⵄⴰⴷⴰⵡⵉ.ⵙ ⵓⴼⵔⵉⵙ ⴰⴷ, ⵔⴰⴷ ⵉⵙⵏⴱⴳⵉ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵍⵎⵖⵔⵉⴱ ⴰⵙⵖⵉⵎ ⵏ ⵜⵎⴰⴷⴷⴰⵙⵜ ⴰⴷ ⵜⴰⵎⴰⵢⵏⵓⵜ. ⴰⵔ ⵉⵎⵎⴰⵍ ⵓⵎⵓⵔⵙ ⴰⴷ ⵜⵓⵙⵏⵜ ⵏ ⵜⵓⴳⴳⴰⵙ ⵏ ⵓⵙⵇⵇⵉⵎ ⴳ ⵓⵙⴷⵓⵙ ⵏ ⵓⵣⵓⵔⵜ ⴰⵏⵣⵔⴰⴼ.ⵉⵇⵇⴰⵏ ⴷ ⵓⴱⴷⴰⵔ ⵉⵙ ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⵍⵍⵉⴳ ⵉⴳⴰ ⴱⴰⴱ ⵏ ⵜⵙⵏⵜⴰⵢⵜ ⵏ ⵓⵙⵔⵙ ⵏ ⵜⵎⴰⴷⴷⴰⵙⵜ ⵏ (ⵊⵓⵔⵉⵙⴰⵢ) ⴰⴽⴷ ⵓⵙⵇⵇⵉⵎ ⴰⴼⵉⴷⵉⵕⴰⵍⵉ ⵏ ⵓⵙⵉⴹⵏ ⴳ ⴱⵕⴰⵥⵉⵍ, ⵉⵙⵏⵎⴰⵍⴰ ⴳ ⴱⵕⴰⵢⵕ ⵉⵣⵔⵉⵏ ⵢⴰⵜ ⵜⵙⵎⵓⵏⵉ ⵏ ⵓⵙⴳⵎⴹ ⵏ ⵓⵍⵖⵓ ⵏ ⵕⵕⴱⴰⵟ ⵉ ⵓⵙⴽⴰⵔ ⵏ ⵜⵎⴰⴷⴷⴰⵙⵜ ⴰⴷ, ⴷⴼⴼⵉⵔ ⴰⵙ ⴳ ⵢⵓⵏⵢⵓ ⵢⴰⵜ ⵜⵙⵎⵓⵏⵉ ⵏ ⵓⵙⴳⵎⴹ ⵏ ⵓⵏⴳⵔⴰⵡ ⵏⵏⵙ ⴰⴷⵙⵍⴰⵏ ⴳ ⴹⴹⴰⵕ ⵍⴱⵉⴹⴰ.ⴰⵔ ⵜⵙⵎⵓⵏⴰ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵜⴰⵎⵔⵙⴰⵍⵜ ⵏ ⵜⵎⴰⴷⴷⴰⵙⵜ ⵏ (ⵊⵓⵔⵉⵙⴰⵢ) ⵉⵏⵙⵙⵉⵅⴼⵏ ⴷ ⵉⴳⵏⵙⴰⵙⵏ ⵏ 32 ⵏ ⵜⵎⵔⵙⵍⵜ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵙⴳ ⵉⵡⴰⵏⴽⵏ ⵏ ⵡⴰⴼⵔⵉⵇⵢⴰ ⴷ ⵓⵕⵓⴱⴱⴰ ⴷ ⵎⵉⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵡⴰⵙⵢⴰ, ⵙ ⵜⴷⵔⴰⵡⵜ ⵏ ⵓⵎⴰⵡⵙⴰⵙ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵙⵉⴹⵏⵏ ⴳ ⴱⵕⴰⵥⵉⵍ ⴷ ⵓⵏⵙⵙⵉⵅⴼ ⵉⵍⵍⴰⵏ ⴷⵖⵉ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴷ ⵜⵎⵙⵙⵉⴹⵏⵜ (ⵉⵏⵜⵓⵙⴰⵢ), ⵎⴰⵙⵙ ⴱⵕⵓⵏⵓ ⴷⴰⵏⵜⴰⵙ, ⴰⵡⴷ ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵎⴰⴷⴷⴰⵙⵜ, ⵎⴰⵙⵙⴰ ⵎⴰⵔⴳⵉⵜ ⴽⵕⴰⴽⵕ.ⵜⵡⴰⵜⵜⵙ ⵜⵎⴰⴷⴷⴰⵙⵜ ⵏ (ⵊⵓⵔⵉⵙⴰⵢ) ⴰⵙⴷⵓⵙ ⵏ ⵓⵣⵓⵔⵜ ⴰⵏⵣⵔⴰⴼ ⴳ ⵡⴰⵎⵓⵏ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ, ⴷ ⵓⵙⴷⵓⵙ ⵏ ⵓⴷⵖⴰⵔ ⵏⵏⵙ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⴷ ⵓⵙⴱⵓⵖⵍⵓ ⵏ ⵉⵙⴱⴷⴰⴷⵏ ⵏⵏⵙ ⵓⵥⵍⵉⵢⵏ. ⵎⴽⴷⴰ ⵜⵡⴰⵜⵜⵙ ⵜⵎⴰⴷⴷⴰⵙⵜ ⴰⴷ, ⴰⴷ ⵜⴳ ⵢⴰⵜ ⵜⵎⵙⵙⵉⵍⵉⵜ ⵉ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵜⵎⵔⵙⴰⵍ ⵏⵏⵙ ⵜⵉⴳⵎⴰⵎⵉⵏ ⵙ ⵜⵖⴰⵔⴰⵙⵜ ⵏ ⵓⵙⵓⵊⴷ ⵏ ⵢⴰⵏ ⵓⵙⴰⵜⵉ ⵉⵥⵍⵉⵏ.ⵙⴳ ⵜⵙⴳⴰ ⵢⴰⴹⵏ,  ⵜⴻⵜⵜⴰⵡⵙⵜⴰⵢ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⴼⵕⴰⵏⵙⴰ ⵃⵎⴰ ⴰⴷ ⵜⵙⵙⵉⵅⴼ ⵜⴰⵎⴰⴷⴷⴰⵙⵜ ⵏ (ⵊⵓⵔⵉⵙⴰⵢ), ⵎⴽⴷⴰ ⵜⵜⴰⵡⵙⵜⴰⵢⵏ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵏⵏⵙ ⵜⵉⵎⵖⵍⴰⵍⵉⵏ, ⵜⵉⵍⵉ ⵜⵙⵖⵣⵏⵜ ⵏ ⵓⵖⴰⵡⴰⵙ ⵏⵏⵙ ⴰⵙⵜⵔⴰⵜⵉⵊⵉ.

ⴳ ⵜⴳⵓⵔⵉ ⵏⵏⴰ ⵜⵖⵔⴰ ⵙ ⵜⵎⵍⴷⴰ ⴰⴷ, ⵜⵙⵙⵉⵡⵍ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵅⴼ ⵓⴱⵓⵖⵍⵓ ⵉⵏⵎⴰⵍⴰⵏ ⵏ ⵓⵙⴷⴷⵉ ⵏ ⵓⵙⴷⵓⵙ ⵏ ⵜⵙⵓⵙⵖⵜ ⵏⵏⴰ ⵉⴹⴼⴰⵕ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⴱⴷⴷⵏ ⵅⴼ ⵢⴰⵏ ⵓⵙⴰⵜⵉ ⴰⴷⵙⵜⴰⵔ ⴷ ⵡⵓⵣⵔⵉⴼ ⵉⴷⵓⵙⵏ. ⵎⴽⴷⴰ ⵜⵙⵙⵉⵡⵍ ⵅⴼ ⵉⴱⵖⵓⵔⵏ ⵏ ⵓⵏⵏⵓⵕⵥⵎ ⵏ ⵓⵙⵇⵇⵉⵎ ⵅⴼ ⵓⵏⵎⵉⵍⴰ ⵏⵏⵙ, ⵏⵏⴰ ⵉⴳⴰⵏ ⴰⵙⴷⵓⵙ ⵏ ⵜⵕⵡⵉ ⵏ ⵓⵙⵇⵇⵉⵎ ⴷ ⵓⵙⵖⵓⴷⵓ ⵏ ⵓⵙⵎⵀⵍ ⵏ ⵉⵙⵖⵍⴰⴼ ⵏⵏⵙ ⴷ ⵜⵓⵙⵓⵔⵜ ⵏ ⵜⴹⴼⵕⵉⵡⵉⵏ ⵏⵏⵙ ⵜⵉⵏⵣⵔⴰⴼⵉⵏ, ⴰⵡⴷ ⴰⴱⵣⴰⵔ ⴳ ⵓⵎⴹⴰⴽⴰⵕ ⴰⴷⵉⵎⵓⵇⵕⴰⵟⵉ ⴰⵏⴰⵎⵓⵔ.ⴷⴰⵢ ⵜⵙⵏⵄⵜ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ, ⵙⴳ ⵜⵙⴳⴰ ⵢⴰⴹⵏ, ⵜⴰⵣⵣⵉⴳⵣⵜ ⵏⵏⴰ ⵖⵔ ⵢⵉⵡⴹ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵓⵙⵡⵉⵔ ⵏ ⵓⵎⵢⴰⵡⴰⴹ, ⵜⵙⴷⴷⵉⴷ ⴰⵜⵉⴳ ⵏ ⵜⵖⵔⵉ ⵏ ⵜⴰⵏⴰⴹⵉⵏ ⵏⵏⴰ ⴷ ⵉⵙⵙⵓⴼⵖ ⵓⵙⵔⵓⵙ ⵏ ⵉⵎⴰⵙⵙⵏ ⵉⵜⵜⵓⵙⵏⴼⵍⵓⵍⵏ ⵉ ⵓⵎⵢⴰⵡⴰⴹ, ⵜⴰⴼⴰ ⴰⴷ ⵢⵉⵍⵉ ⵓⴱⵣⴰⵔ ⴳ ⵓⵙⵔⵓⵙ ⵏ ⵜⵓⵙⵓⵔⵜ ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⵖⵔ ⵇⴰⵃ ⵜⵉⴼⵓⵍⵉⵏ, ⵣⵣⵉⴳⵙⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴷ ⵉⵏⵎⵓⵔⴰⵏ.ⵎⵇⵇⴰⵔ ⵡⴰⵍⴰⵏⵜ ⵜⵏⵥⴰⵕ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴳ ⵢⵉⴳⵔ ⴰⴷ, ⵜⵙⴷⴷⵉⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⴰⵙⵖⵓⵏ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵙ ⵓⵙⵜⴰⵢ ⵏ ⵢⴰⵜ ⵜⵖⴰⵔⴰⵙⵜ ⵉⵏⵎⴰⵍⴰⵏ ⴳ ⵓⵎⵢⴰⵡⴰⴹ ⵉⵣⵔⴽⵏ ⴰⵎⵢⴰⵙ ⵏⴳⵔ ⵜⵙⵓⵙⵖⵜ ⴷ ⵜⵏⵏⵓⵜⵍⴰ ⵉⵅⵚⵚⴰⵏ ⴰⴷ ⵉⵍⵉⵏⵜ ⴳ ⵜⵙⵎⵉⴳⴰⵍ ⵏ ⵓⵙⵇⵇⵉⵎ ⴰⴷ.ⵉⵇⵇⴰⵏ ⴷ ⵓⴱⴷⴰⵔ ⵉⵙ ⵉⴼⵙⵙⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵜⴰⵏⴰⴹⵉⵏ ⵏⵏⵙ ⵙ ⵓⵎⵙⴰⵙⴰ ⴷ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⴷ ⴰⵔ ⵜⵜⵏⵓⵕⵥⵓⵎⵏⵜ ⵜⴰⵏⴰⴹⵉⵏ ⴰⴷ ⵅⴼ ⵓⵎⴰⵜⴰ ⵙ ⵜⵖⴰⵔⴰⵙⵜ ⵏ ⵜⵓⴳⵜⵜ ⵏ ⵉⵙⵓⵔⴰ, ⴳⵉⵙⵏ ⴰⵖⵎⵉⵙ ⴰⵎⴰⴷⴷⵓⴷ ⴷ ⵡⴰⵙⵉⵜ ⴰⵍⵉⴽⵟⵕⵓⵏⵉ ⵏ ⵓⵙⵇⵇⵉⵎ.

ⵜⴷⵔⴰ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵏ ⵓⴱⴽⴽⵉⴹ ⴰⵡⵏⴹⴰⵏ ⴷ ⵜⵉⵍⴰⵍⵜ ⵏ ⵜⵏⴱⴹⴰⵢⵜ ⴳ ⵓⵙⴱⴷⴷⵉ ⵏⵏⵙ, ⵏⵏⴰ ⵉⵜⵜⵓⵙⵏⵎⴰⵍⴰⵏ  ⴳ ⵎⵕⵕⴰⴽⵛ ⵏⴳⵔ 10 ⴷ 12 ⵢⵓⵍⵢⵓⵣ 2024, ⵙ ⵜⵎⵍⴷⴰ ⵏ ⵓⴳⵔⴰⵡ ⵡⵉⵙ ⵙⴰ ⴷ ⵎⵔⴰⵡ ⵏ ⵜⵎⵙⵎⵓⵏⵜ ⵏ ⵉⵎⵓⵔⴰ ⵉⴳⴷⵓⴷⴰⵏⵏ ⵉⴼⵔⵉⵇⵉⵢⵏ.ⴳ ⵜⴳⵓⵔⵉ ⵏⵏⴰ ⵜⵖⵔⴰ ⵙ ⵜⵎⵍⴷⴰ ⴰⴷ, ⵜⵙⵙⵉⵡⵍ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵅⴼ ⵡⴰⵜⵉⴳ ⴰⵅⴰⵜⴰⵔ ⵏⵏⴰ ⵉⴼⴽⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵉ ⵓⴳⴳⵉⵡⵙ ⴰⵡⵏⴹⴰⵏ, ⵍⵍⵉⴳ ⵉⴳⴰ ⵙⴳ ⵉⵙⴳⵓⵎⵏ ⵉⵏⴼⵔⴰⵔⵏ ⵏ ⵜⴷⵔⴰⵡⵉⵏ ⵏⵏⵙ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⴷⴰⵢ ⵜⵙⴷⴷⵉⴷ ⵉⵙ ⵉⵅⵚⵚⴰ ⴰⴷ ⵜⵉⵍⵉ ⵖⵔ ⵓⵃⵟⵟⵓ ⵏ ⵜⵡⵏⵏⴰⴹⵜ ⵜⵡⵓⵔⵉ ⵙ ⵜⵎⵙⵜⴳⴳⴰⵔⵜ ⴳ ⵓⵙⴰⵜⵉ ⵏ ⵢⴰⵜ ⵜⵎⵢⴰⴷⴰⵙⵜ ⵉⵙⵎⴷⵏ ⵏ ⵜⵉⴹⴰⴼ ⵏ ⵉⵎⵉⵣⴰⵏ ⴷ ⵓⵙⴱⴷⴷⵉ ⵏⵏⵙⵏ, ⴷ ⵓⵙⵕⵚⵚⴰ ⵏ ⵡⴰⵜⵉⴳⵏ ⵏ ⵜⵏⵏⵓⴱⴹⴰ ⵉⵀⵢⵢⴰⵏ ⴷ ⵜⵣⴷⴳⵉ ⴷ ⵓⵙⵎⵏⵉⴷ ⵏ ⵓⵙⵉⴹⵏ ⴳ ⵓⵙⵡⵓⴷⴷⵓ ⵏ ⵉⵙⵓⴳⴰⵎ ⵉⴳⴰⵎⴰⵏⵏ, ⴰⵀⴰ ⵜⵙⴷⴷⵉⴷ ⵉⵙ ⴰⵢⵏⵏⴰ ⵅⵚⵚⴰⵏⵜ ⴰⵙ ⵜⵓⴳⴳⴰⵙ ⵉⵎⵓⵏⵏ ⴳ ⵍⵜⵜⵖⵏⵜ ⵇⴰⵃ ⵜⵉⴼⵓⵍⵉⵏ, ⴳⵉⵙⵏⵜ ⴰⵡⴷ ⵉⴳⵔ ⵓⵙⵍⵉⴳ ⴷ ⵡⴰⵎⵓⵏ ⵓⵖⵔⵉⵎ ⴷ ⵡⵓⴳⴳⵉⴷⵏ, ⵙ ⵓⵙⵏⵄⵜ ⵏ ⵡⴰⵜⵉⴳⵏ ⵏ ⵓⵎⵢⴰⵡⴰⵙ ⴷ ⵜⵎⵓⵔⵉ. ⵙⴳ ⵜⵙⴳⴰ ⵢⴰⴹⵏ, ⵜⵎⵍⴰ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵜⵉⵏⵥⵉⵡⵉⵏ ⵏⵏⴰ ⵅⴼ ⵉⵙⵙⵉⵡⵍ ⵓⵙⵇⵇⵉⵎ ⴳ ⵓⵙⴰⵜⵉ ⵏ ⵜⵙⵎⵉⴳⵍⵜ ⵜⴰⵙⴳⵓⵎⴰⵏⵜ ⵅⴼ ⵢⵉⴳⵔ ⵏ ⵡⴰⵎⴰⵏ ⴳ ⵍⵎⵖⵔⵉⴱ, ⴷⴰⵢ ⵜⵙⴷⴷⵉⴷ ⵉⵙ ⵉⵣⵎⵎⴻⵎ ⵎⴰⵙ ⵓⵔ ⵙⵙⴱⵖⵉⵔⵏ ⵡⴰⵎⴰⵏ ⵉⵜⵜⴰⵡⵙⵎⵔⵙⵏ ⴳ ⵜⵓⴷⵔⵉⵏ ⵙⴳ ⵓⵙⵎⴽⵍ, ⴷ ⵓⴽⵕⴰⵥ ⵏ ⵉⵎⵓⵙⵙⵓⵜⵏ ⵉⵏⴼⵍⴰⵃⵏ ⵅⴼ ⵜⵕⵡⵉ ⵏ ⵉⵙⵓⴳⴰⵎ ⵏ ⵡⴰⵎⴰⵏ ⴳ ⵜⵎⵓⵔⵜ ⵏⵏⵖ, ⵏⵏⴰ ⵉⵣⴷⵉⵏ ⴷ ⵓⴳⵓⴷⵉ ⵏ ⵉⵎⵉⵣⴰⵏ ⵏ ⵜⵎⵔⴽⵉⵜ ⵉⵣⴷⵉⵏ ⴷ ⵓⵙⵎⵔⵙ ⵏ ⵉⵎⵣⵣⵓⵔⵏ.ⵉⵇⵇⴰⵏ ⴷ ⵓⴱⴷⴰⵔ ⵉⵙ ⵉⵙⴽⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵜⵓⴳⵜⵜ ⵏ ⵜⵙⵎⵉⴳⴰⵍ ⵉⵣⴷⵉⵏ ⴷ ⵜⵡⵏⵏⴰⴹⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⴳ ⵍⵎⵖⵔⵉⴱ.

ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⴽⴷ ⵜⵎⴰⴷⴷⴰⵙⵜ ⵜⴰⵄⵕⴰⴱⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ (ⴰⵕⴰⴱⵓⵙⴰⵢ, ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵢⴰⵏ ⵓⵎⴰⴳⵔ ⵏ ⵓⵙⴰⵏⵓⵏ ⵅⴼ ⵓⵙⵎⴰⵔ ⵏ ⵉⵎⵙⵙⴰⵏⵓⵏⵏ ⵏ ⵓⵎⴰⵏⴰⵔ ⵏ ⵓⵙⵏⵄⵜ ⵏ ⵜⵏⵙⵜⴰⵢⵜ ⵏ ⵜⴳⵎⵉ ⵏ ⵉⵏⵜⵓⵙⴰⵢ ⵉⵣⴷⵉⵏ ⴷ ⵓⴳⴳⵉⵡⵙ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ, ⵉⵍⴰⵏ ⵙ ⵡⴰⵙⵙⴰⵖ ⵙ ⵓⵣⴳⵣⵍ «ISAM», ⵉⵜⵜⵓⵙⵏⵎⴰⵍⴰ ⵓⵎⴰⴳⵔ ⴰⴷ ⴳ ⵡⴰⵎⵎⴰⵙ ⵏ ⵜⴳⵎⵉ ⵏ ⵜⵣⵎⵎⴰⵔ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ, ⴳ ⵕⵕⴱⴰⵟ, ⵙⴳ 02 ⴰⵔ 05 ⵢⵓⵍⵢⵓⵣ 2024, ⵙ ⵡⵓⵜⵓⵢ ⵏ ⵉⵎⵙⵙⴰⵏⵓⵏⵏ, ⴷ ⵉⵏⴱⴹⴰ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴷ ⵉⵎⵙⵙⴰⵏⵓⵏⵏ ⵉⵎⵣⵣⵔⴰⵢⵏ ⵉⴹⴼⴰⵕⵏ ⴰⴱⵔⵙⵉⵔⴰ ⵏ ⵜⵎⵙⵙⵉⴹⵏⵜ ⵏ ⵍⵉⴱⵢⴰ.ⴰⵔ ⵜⵙⵎⵓⵏⴰ ⵜⵙⵏⵜⴰⵢⵜ ⴰⴷ ⴰⵜⵜⴰⵢⵏ ⵏ 20 ⵏ ⵓⵏⴱⴹⵓ ⴷ ⵓⵎⵣⵣⵔⴰⵢ ⵉⴹⴼⴰⵕⵏ 09 ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵙⴳ ⵉⵡⴰⵏⴽⵏ ⴰⵄⵕⴰⴱⵏ, ⵏⵏⴰ ⵉⴳⴰⵏ ⵚⴰⵍⵟⴰⵏⴰⵜ ⵄⵓⵎⴰⵏ ⴷ ⵍⵄⵉⵕⴰⵇ ⴷ ⵎⵉⵚⵕ ⴷ ⵜⵓⵏⵙ ⴷ ⵙⵙⴰⵄⵓⴷⵉⵢⵢⴰ ⴷ ⵍⵉⵎⴰⵕⴰⵜ ⴷ ⵇⴰⵟⴰⵕ ⴷ ⵍⵉⴱⵢⴰ ⴷ ⵍⵎⵖⵔⵉⴱ.ⵉⵡⴰⵜⵜⵙ ⵓⵎⴰⴳⵔ ⴰⴷ ⴰⵙⵉⵍⵉ ⵏ ⵓⴼⵔⴰⴽ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴳ ⵜⵎⴰⴷⴷⴰⵙⵜ ⵜⴰⵄⵕⴰⴱⵜ ⵙ ⵡⴰⵜⵉⴳ ⵏ ⵓⴳⴳⵉⵡⵙ ⵏ ⵜⵡⵓⵔⵉ ⵅⴼ ⵓⵣⵣⴳⵉⵔ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵙⵉⵥⴹⵕ ⵏ ⵉⵎⴷⵔⴰⵡⵏ ⵅⴼ ⵜⵓⵙⵙⵏⴰ ⵏ ⵜⵥⵍⴰⵢⵉⵏ ⵏ ⵓⴳⴳⵉⵡⵙ ⴰⴷ ⴷ ⵡⴰⵎⵎⴰⵥ ⵏ ⵜⴱⵔⵉⴷⵜ ⴷ ⵉⵎⴰⵙⵙⵏ ⵙⵔⵙ ⵉⵥⵍⵉⵏ, ⴷ ⵓⵙⵎⵓⵜⵜⵉ ⵏ ⵜⵓⵙⵙⵏⵉⵡⵉⵏ ⴷ ⵜⵙⵏⵉⴳⵉⵜⵉⵏ ⵉ ⵉⴳⵎⴰⵎⵏ ⵏ ⵉⴳⵔⴰⵡⵏ ⵏⵏⵙⵏ ⴷ ⵓⵙⵖⵔⵜ ⵏⵏⵙⵏ ⵜⴰⴼⴰ ⴰⴷ ⴳⵏ ⵜⵉⵎⵀⴰⵍ ⵏ ⵓⴳⴳⵉⵡⵙ ⵎⵓ ⵜⴰⵜⵜⵓⵢ ⵜⵕⵡⵉ ⴳ ⵓⵣⵣⴳⵉⵔ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ.

ⴳ ⵓⵙⴰⵜⵉ ⵏ ⵜⵡⵓⵔⵉ ⵏ ⵜⵙⵎⵓⵏⵉ ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴰⵙⵙ ⵏ ⵓⵙⵉⵏⴰⵙ 25 ⵢⵓⵏⵢⵓ 2024 ⵉⵡⴰⵜⵜⵙⵏ ⴰⵙⴳⵎⴹ ⵏ ⵓⵏⴳⵔⴰⵡ ⴰⴷⵙⵍⴰⵏ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ (JURISAI), ⵜⵙⵏⵎⴰⵍⴰ ⵎⴰⵙⵙⴰ ⵣⵉⵏⴱ ⵍⵄⴰⴷⴰⵡⵉ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵢⴰⵜ ⵜⵙⵎⵓⵏⵉ ⵏ ⵜⵡⵓⵔⵉ ⴰⴽⴷ ⵓⵏⴳⴳⵓ ⵏⵏⵙ ⵎⴰⵙⵙ ⴱⵢⵉⵔ ⵎⵓⵙⴽⵓⴼⵉⵜⵛⵉ, ⴰⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵜⵙⵏⴱⴹⴰⵢⵜ ⵜⴰⴼⵕⴰⵏⵙⵉⵙⵜ ⵏ ⵉⵙⵉⴹⵏⵏ. ⵉⵥⵍⵉ ⵓⵎⴰⴳⵔ ⴰⴷ ⵙ ⵓⵎⴹⴰⴽⴰⵕ ⴳ ⵉⴱⵔⴷⴰⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵏⴳⵔ ⵙⵏⴰⵜ ⵏ ⵜⵎⵔⵙⴰⵍ ⴳ ⵉⴳⵔⴰⵏ ⵉⵍⴰⵏ ⴰⴽⴰⵎⴷ ⴰⵎⴰⵣⴰⵔ.

ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⴰⵙⵙ ⵏ ⵓⵙⵉⵏⴰⵙ 25 ⵢⵓⵏⵢⵓ 2024 ⴳ ⴹⴹⴰⵕⵍⴱⵉⴹⴰ, ⵢⴰⵜ ⵜⵙⵎⵓⵏⵉ ⵉ ⵉⴳⵎⴰⵎⵏ ⵏ ⵓⵙⴳⵔⴰⵡ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ, ⵙ ⵜⵉⵍⵉⵜ ⵏ ⵜⵓⴳⵜⵜ ⵏ ⵉⵏⵙⵙⵉⵅⴼⵏ ⴷ ⵉⴳⵏⵙⴰⵙⵏ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ, ⵙⴳ ⵉⵡⴰⵏⴽⵏ ⵉⴹⴼⴰⵕⵏ ⵜⴰⵎⵏⵥⴰⵡⵜ ⵏ ⵡⴰⴼⵔⵉⵇⵢⴰ ⴷ ⵓⵕⵓⴱⴱⴰ ⴷ ⵡⴰⵙⵢⴰ ⴷ ⵎⵉⵔⵉⴽⴰⵏ ⵜⴰⵍⴰⵜⵉⵏⵉⵜ, ⵜⴰⴼⴰ ⴷ ⵢⵉⵍⵉ ⵓⵙⴳⵎⴹ ⵏ ⵓⵏⴳⵔⴰⵡ ⴰⴷⵙⵍⴰⵏ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ  (JURISAI).ⴰⵔ ⴷ ⵜⴻⵜⵜⴰⵛⴽⴰ ⵜⵙⵎⵓⵏⵉ ⴰⴷ ⴳ ⵓⵙⴰⵜⵉ ⵏ ⵓⵙⵎⵀⵍ ⵏ ⵉⵙⴱⴷⴰⴷⵏ ⵏ ⵓⵍⵖⵓ ⵏ ⵕⵕⴱⴰⵟ, ⵏⵏⴰ ⵙⵙⴳⵎⴹⵏ ⵉⵎⴷⵔⴰⵡⵏ ⵏ ⵜⵙⵎⵓⵏⵉ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ ⵏⵏⴰ ⵉⵙⵏⴱⴳⵉ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵓⵙⴰⴽⵓⴷ ⵏ 23 ⴱⵕⴰⵢⵕ 2024, ⵏⵏⴰ ⵉⴱⵔⵔⵃ ⵙⵔⵙ ⴰⵙⵉⵍⵉ ⵏ ⵓⵙⴰⵜⵉ ⵏ ⵓⵎⵢⴰⵡⴰⵙ ⵏⴳⵔ ⵉⴳⵔⴰⵡⵏ ⵉⵏⵣⵔⴰⴼⵏ ⵙⴳ ⵓⵙⴳⵔⴰⵡ ⵖⵔ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵉⵣⴷⵉⵏ ⴷ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ (INTOSAI), ⵙ ⵓⵎⵙⴰⵙⴰ ⴷ ⵓⵎⵏⵏⵉ 3 ⵏ ⵓⵏⴳⵔⴰⵡ ⵏⵏⵙ ⴰⴷⵙⵍⴰⵏ.ⵎⵙⴰⵙⴰⵏ ⵉⵎⴷⵔⴰⵡⵏ ⵉⵙ ⴰⵙⵔⵙ ⵏ ⵜⵎⴰⴷⴷⴰⵙⵜ ⴰⴷ ⴰⵔ ⵉⵕⵥⵥⵎ ⵢⴰⵜ ⵜⵊⵊⵍⵜ ⵜⴰⵎⴰⵢⵏⵓⵜ ⵏ ⵓⵎⵢⴰⵡⴰⵙ ⵏⴳⵔ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵉⵍⴰⵏ ⵜⵉⵙⵖⴰⵏ ⵜⵉⵏⵣⵔⴰⴼⵉⵏ ⵉⴱⴷⴷⵏ ⵅⴼ ⵓⵙⴷⵓⵙ ⵏ ⵜⵡⵓⵔⵉ ⵏ ⵓⴳⴳⵉⵡⵙ ⴳ ⵓⵎⵏⵉⴷ ⵏⵏⵙ ⴰⵏⵣⵔⴰⴼ ⴰⵡⴷ ⴰⵙⵓⵜⴳ ⵏⵏⵙ ⴷ ⵓⵙⵉⵍⵉ ⵏ ⵜⵕⵡⵉ ⵏⵏⵙ ⵜⴰⴼⴰ ⴰⴷ ⵥⴹⴰⵕⵏ ⵉⴳⵔⴰⵡⵏ ⴰⴷ ⵙⴽⵔⵏ ⵜⵉⵍⴰⵍ ⵏⵏⵙⵏ ⵉⵣⴷⵉⵏ ⴷ ⵓⵙⴷⵓⵙ ⵏ ⵜⵙⵓⵙⵖⵜ ⴷ ⵜⵎⵙⵙⵉⴹⵏⵜ ⴷ ⵓⴹⴰⴽⴰⵍ ⵏ ⵓⵙⵏⵍⵍⵉ ⵏ ⵓⵥⵕⴼ ⴰⴳⴷⵓⴷⴰⵏ.ⵎⴽⴷⴰ ⵓⵍⵖⵏ ⵉⵎⴷⵔⴰⵡⵏ ⵜⵉⵍⴰⵍ ⵜⵉⵏⴼⵔⴰⵔⵉⵏ ⵏⵏⴰ ⵉⵙⴽⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⵉⴳⴰⵏ ⵙⴳ ⵉⴳⵔⴰⵡⵏ ⵉⴳⵎⴰⵎⵏ ⵉⵎⵙⵔⵙⵍⵏ ⵏ ⵓⵙⴳⵔⴰⵡ, ⴷ ⵜⵙⵏⵜⴰⵢⵉⵏ ⵏⵏⵙ ⵜⵉⵎⵣⴷⴰⵢⵉⵏ ⴷ ⵜⴱⵣⴰⵔⵜ ⵏⵏⵙ ⵉⵕⵡⴰⵏ ⴳ ⵇⴰⵃ ⵜⵉⵊⵊⵍⵉⵏ ⵏ ⵓⵙⵔⵓⵙ ⵏ ⵜⵔⵙⴰⵍ ⵏ ⵜⵎⴰⴷⴷⴰⵙⵜ ⴰⴷ. ⵎⴽⴷⴰ ⵓⵍⵖⵏ ⵜⴰⵙⵏⵜⴰⵢⵜ ⵏⵏⵙ ⵏ ⵓⵙⵏⵓⴱⴳ ⵏ ⵜⵙⵎⵓⵏⴰⵢ ⵜⵉⵙⵎⴰⵜⵜⴰⴳⵉⵏ ⵉⴼⴼⵖⵏ ⵙ ⵓⵙⵎⴰⵔ ⵏ ⵢⴰⵏ ⵓⵙⵏⵜⵉ ⵏ ⵓⵏⴳⵔⴰⵡ ⴰⴷⵙⵍⴰⵏ ⵏ ⵜⵎⴰⴷⴷⴰⵙⵜ ⵏ JURISAI.ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏ ⵜⵙⵎⵓⵏⵉ ⴰⴷ, ⵜⵙⵏⵎⴰⵍⴰ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵣⵉⵏⴱ ⵍⵄⴰⴷⴰⵡⵉ ⵢⴰⵜ ⵜⵙⵎⵓⵏⵉ ⵏ ⵜⵡⵓⵔⵉ ⴰⴽⴷ ⵓⵏⴳⴳⵓ ⵏⵏⵙ ⵎⴰⵙⵙ ⴱⵢⵉⵔ ⵎⵓⵙⴽⵓⴼⵉⵜⵛⵉ, ⴰⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵜⵙⵏⴱⴹⴰⵢⵜ ⵜⴰⴼⵕⴰⵏⵙⵉⵙⵜ ⵏ ⵉⵙⵉⴹⵏⵏ, ⴷⴰⵢ ⵉⵥⵍⵉ ⵓⵎⴰⴳⵔ ⴰⴷ ⵙ ⵓⵎⴹⴰⴽⴰⵕ ⴳ ⵉⴱⵔⴷⴰⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵏⴳⵔ ⵙⵏⴰⵜ ⵏ ⵜⵎⵔⵙⴰⵍ ⴳ ⵉⴳⵔⴰⵏ ⵉⵍⴰⵏ ⴰⴽⴰⵎⴷ ⴰⵎⴰⵣⴰⵔ.

ⵉⴷⵔⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⵙⴳ ⵜⵓⴳⴳⵓⴳⵜ ⴳ ⵡⴰⵙⵙ ⵏ 16 ⴷ 17 ⵢⵓⵏⵢⵓ ⴰⴷ, ⴳ ⵉⵎⵓⵙⵙⵓⵜⵏ ⵏ ⵜⵎⵓⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ ⵏ ⵉⵡⴰⵏⴽⵏ ⵏ ⵜⵔⴰⴱⴱⵓⵜ ⵏ ⵡⴰⴳⵏⴰⵔ ⵉⵜⵜⵓⵙⵏⵎⴰⵍⴰⵏ ⴳ ⵜⴳⵔⴰⵡⵜ ⵏ ⴱⴰⵕⴰ ⴳ ⵜⴳⴷⵓⴷⴰⵏⵜ ⵜⴰⴼⵉⴷⵉⵕⴰⵍⵉⵜ ⵏ ⴱⵕⴰⵥⵉⵍ, ⵙ ⵢⴰⵜ ⵜⵖⵓⵔⵉ ⵏ ⵜⵏⵙⵙⵉⵅⴼⵜ ⵏ ⵜⵎⵓⵏⵜ ⴰⴷ ⵉⴳⴰⵏ ⵜⴰⵙⵏⴱⴹⴰⵢⵜ ⵜⴰⴼⵉⴷⵉⵕⴰⵍⵉⵜ ⵏ ⵉⵙⵉⴹⵏⵏ ⴳ ⴱⵕⴰⵥⵉⵍ. ⵎⴽⴷⴰ ⵅⴼ ⵙⵙⵉⵡⵍⵏ ⵉⵎⵙⵜⴳⴳⴰⵔⵏ ⵉⵎⵥⵍⴰⵢⵏ ⴳ ⵜⵡⵓⵔⵉⵡⵉⵏ ⵏ ⵜⵙⵎⵓⵏⴰⵢ ⵜⵉⵜⵉⵇⵏⵉⵢⵉⵏ ⵜⵉⵙⵎⴰⵜⵜⴰⴳⵉⵏ ⵏ ⵜⵎⵓⵏⵜ ⴰⴷ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵜⵎⴰⵥⵓⵏⵜ ⵏ ⴱⵕⴰⵥⵉⵍⵢⴰ ⴳ ⵡⴰⵢⵢⵓⵔ ⵏ ⵉⴱⵔⵉⵔ ⵉⵣⵔⵉⵏ. ⵜⵥⵍⵉ ⵓⵎⴰⴳⵔ ⵏ ⵓⵙⴳⴳⵯⴰⵙ ⴰⴷ ⵙ ⵓⵙⵥⵕⴼ ⴰⵎⵏⴳⵉⴳⵜ ⴷ ⵓⵙⴱⴷⴷⵉ ⵏ ⵓⵥⵍⴰⴹ ⴷ ⴳⴰⵔ ⵓⵜⵛⵉ, ⵏⵏⴰ ⵉⴳⴰⵏ ⵉⵎⵔⵙⵉⵜⵏ ⵉⵍⴰⵏ ⵜⴰⵎⵙⵔⵓⵙⵜ ⵜⴰⵅⴰⵜⴰⵔⵜ ⴳ ⵓⵎⵏⴰⴹ ⵏ ⵓⵖⴰⵡⴰⵙ ⵏ ⵜⵎⵙⴽⵜⵉⵜ ⵏ 2030 ⵏ ⵜⴳⵎⵉ ⵜⴰⵙⵓⵍⴰⵏⵜ.ⴳ ⵜⵖⵉⵎⵉⵜ ⵉⵥⵍⵉⵏ ⵙ ⵜⵙⴳⵓⵔⵉⵡⵉⵏ ⵜⵉⵎⴰⵜⴰⵢⵉⵏ ⵏ ⵉⵏⵙⵙⵉⵅⴼⵏ ⵏ ⵉⴳⵔⴰⵡⵏ, ⵜⵙⴷⴷⵉⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵎⴰⵙ ⴷ ⵉⵇⵇⴰⵏ ⵓⴱⴷⴰⵔ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴳ ⵎⵏⵏⴰⵡⵜ ⵜⵡⵓⵔⵉⵡⵉⵏ ⵏⵏⵙ, ⴳ ⵉⵎⵏⵉⴷⵏ ⵉⵙⵜⵔⴰⵜⵉⵊⵉⵢⵏ ⵏ ⵜⵎⵓⴽⵔⵉⵙⵉⵏ ⴷ ⵜⵏⵥⴰⵕ ⵉⵣⴷⵉⵏ ⴷ ⵓⵙⵥⵕⴼ ⴰⵎⵏⴳⵉⴳⵜ ⴷ ⵓⵎⵓⵜⵜⵉ ⵓⵥⴹⵉⵕ ⴷ ⵓⵙⴱⴷⴷⵉ ⵏ ⵓⵥⵍⴰⴹ ⴷ ⵍⴰⵥ, ⴰⵀⴰ ⴰⴷ ⵡⴰⵜⵜⵙⵏ ⴰⴷ ⵉⵍⵉⵏ ⴷ ⴰⵎⴰⵡⴰⵙ ⴰⵎⵙⵖⴰⵔⵓ ⴰⵣⵣⵓⵍⴰⵏ ⴰⵏⵉⵎⴰⵏ ⵉⵍⴰⵏ ⵜⵉⵕⵡⵉ ⵉ ⵜⵏⴱⴰⴹⵉⵏ ⵜⴰⴼⴰ ⴰⴷ ⴼⵓⴽⴽⵓⵏⵜ ⵙ ⵜⵎⵓⵏⵜ ⵏ ⵓⵙⵏⵉⵎⴰⵍ ⵉⴱⴷⴷⵏ ⵅⴼ ⵜⵡⵓⵔⵉⵡⵉⵏ ⵏ ⵓⴳⴳⵉⵡⵙ ⵉⵍⴰⵏ ⵜⵓⵙⵓⵔⵜ ⵢⴰⵜⵜⵓⵢⵏ, ⴷⴰⵢ ⵜⵙⴷⴷⵉⴷ, ⴳ ⵓⵙⴰⵜⵉ ⴰⴷ, ⵉⵙ ⴰⵎⵓⵔⵙ ⵏ ⵉⴳⵔⴰⵡⵏ ⴳ ⵜⵙⵎⵉⴳⴰⵍ ⵏⵏⵙⵏ ⵉⵣⴷⵉⵏ ⴷ ⵓⵙⵥⵕⴼ ⴰⵎⵏⴳⵉⴳⵜ ⴷ ⵓⵙⴱⴷⴷⵉ ⵏ ⵓⵥⵍⴰⴹ ⵓⵔ ⵉⵙⴽⴰⵔ ⵖⴰⵙ ⵢⴰⵏ ⵓⵎⵣⴰⵔⴰⵢ ⴳ ⵜⵓⴷⵔⵜ ⵏ ⵉⵏⵎⵓⵔⴰⵏ ⴷ ⵓⵙⴷⵓⵙ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ ⴷ ⵜⵎⵏⴳⵉⴳⵜ ⵏⴳⵔ ⵜⴰⵙⵓⵜⵉⵏ, ⵎⴰⵛⴰ ⵓⴳⴰⵔ ⵏ ⵓⵢⵏⵏⴰ ⴰⵔ ⵉⵜⵜⴰⵡⴹ ⵙ ⵓⵙⴰⴷⵎⵔ ⵏ ⵉⵎⵉⵣⴰⵏ ⵉⵏⵉⵍⴰⵡⵏ ⵉⵎⴰⵢⵏⵓⵜⵏ ⴷ ⵓⵙⴷⵓⵙ ⵏ ⵜⵙⵓⵍⵜ ⵏ ⵉⵎⵙⴰⵙⴰⵜⵏ ⵉⴷⵙⵍⴰⵏⵏ ⵏ ⵓⵥⵕⴼ ⴰⴳⴷⵓⴷⴰⵏ.ⵜⵙⴷⴷⵉⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⴳ ⵉⵏⴰⵡ ⵏⵏⵙ ⵅⴼ ⵜⵉⵔⴰⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵃⵎⴰ ⴰⴷ ⵎⵓⵏⵏⵜ ⵜⵡⵓⵔⵉⵡⵉⵏ ⵏⵏⵙ ⵏ ⵓⴳⴳⵉⵡⵙ ⴷ ⵉⵙⴰⵡⵔⵏ ⵉⵙⵜⵔⴰⵜⵉⵊⵉⵢⵏ ⵉⵣⴷⵉⵏ ⴷ ⵜⴰⵏⵏⴰⵢⵜ ⵏ ⵓⵡⴰⵏⴽ ⴰⵎⵖⵔⴰⴱⵉ ⴰⵏⴰⵎⵓⵏ ⴰⵜⵔⴰⵔ, ⵏⵏⴰ ⵎⵓ ⵉⵙⵔⵙ ⵜⵉⵔⵙⴰⵍ ⵏⵏⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ ⵢⴰⵡⵙ ⴰⵙ, ⴰⵡⴷ ⴰⴷ ⵖⵓⴷⵓⵏ ⵉⵙⵓⴽⴰ ⵏ ⵓⵙⴽⴰⵔ ⴷ ⵓⵣⵣⴳⵉⵔ ⵏ ⵉⵖⴰⵡⴰⵙⵏ ⵓⵥⴹⵉⵕⵏ ⴷ ⵓⵎⵙⴰⵙⴰ ⵏⵏⵙⵏ ⴷ ⵜⵥⵍⴰⵢⵉⵏ ⵜⵉⵏⴰⵎⵓⵔⵉⵏ.ⵎⴽⴷⴰ ⵜⵙⵎⴰⵢⵏⵓ ⴰⵙⵖⵓⵏ ⵏ ⵓⴳⵔⴰⵡ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵉⵎⵏⵣⴰⵢⵏ ⵏ ⵜⴳⵔⵓⵎⵎⴰ ⵏ ⵡⴰⴳⵏⴰⵔ ⴷ ⵓⵣⵣⵉⴳⵣ ⵖⵔ ⴷⴰⵜ ⴳ ⵓⵎⵢⴰⵡⴰⵙ ⵉⴱⵓⵖⵍⴰⵏ ⵏⵏⴰ ⵉⵜⵜⴰⵡⵙⵏ ⵉ ⵓⴳⴳⵉⵡⵙ ⵢⴰⵜⵜⵓⵢⵏ ⵏ ⵓⵥⵕⴼ ⴰⴳⴷⵓⴷⴰⵏ ⴳ ⵡⴰⵜⵉⴳⵏ ⵏⵏⵙ ⵉⵖⵓⴷⴰⵏ ⴷ ⵉⵎⵓⵖⵏⴰ ⵏⵏⵙ ⵉⵜⵜⵓⵙⵎⴰⵢⵏⵓⵏ.ⵉⵇⵇⴰⵏ ⴷ ⵓⴱⴷⴰⵔ ⵉⵙ ⵉⴳⴰ ⵓⵎⴰⴳⵔ ⵏ ⵡⴰⴳⵏⴰⵔ ⵙⴳ ⵉⵙⵓⵜⴰⵢ ⵉⵏⴼⵔⴰⵔⵏ ⵏ ⵓⵎⴹⴰⴽⴰⵕ ⴷ ⵓⵎⵙⴰⵡⴰⵍ ⵉⵙⵎⵓⵏⴰⵏ ⵉⵏⵙⵙⵉⵅⴼⵏ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ ⵜⴰⵎⵣⵡⴰⵔⵜ ⵉ ⵓⵣⵣⵔⴰⵢ ⵏ ⵜⵎⵓⴽⵔⵉⵙⵉⵏ ⴷ ⵉⴽⵓⵎⴰⴷ ⵉⵙⵙⵓⵔⵏ ⵉⵣⴷⵉⵏ ⴷ ⵓⴱⵓⵖⵍⵓ ⵏ ⵓⴳⴳⵉⵡⵙ ⴰⵥⵕⴼⴰⵏ ⴳ ⵢⵉⴳⵔ ⴰⵎⴰⵜⴰⵢ, ⴰⵡⴷ ⵜⵉⵏⵥⴰⵕ ⵜⵉⵎⵇⵔⴰⵏⵉⵏ ⵏⵏⴰ ⵉⵡⴰⵍⴰⵏ ⴰⵎⵓⵏⵏ ⵉⵜⵔⴰⵔⵏ.