ⵉⵇⵇⴰⵏ ⴷ ⴰⴷ ⵜⵜⵓⴹⴼⴰⵕⵏⵜ ⵜⵙⵓⵔⵉⴼⵉⵏ ⴰⴷ ⵃⵎⴰ ⴰⴷ ⵉⵜⵜⴰⵡⵙⵔⴰⵙ ⵓⵙⵉⴹⵏ ⵏ ⵓⵎⵣⵉⵣⵣⵍ ⴰⵏⵙⵜⴰⵢ ⴷⴰⵔ ⵜⵎⵉⵔⵉⵜ ⵏ ⵓⵣⵎⵎⴻⵎ:

1. ⴰⴳⴰⵎ ⵏ ⵓⵙⴷⴰⵡ ⵉⵥⵍⵉⵏ ⵙ ⵜⵓⴹⴼⵉⵕⵉⵏ (ⵜⵉⴼⵍⵡⵉⵏ) ⴷ ⵓⵙⴽⵜⵓⵔ ⵏⵏⵙ ⴳ ⵓⵎⵣⵡⴰⵔⵓ, ⴷ ⵓⵙⵔⵓⵙ ⵏⵏⵙ ⴳ ⵜⴷⴰⴱⵓⵜ ⴳ ⵜⵉⵣⵉ ⵏ ⵓⵣⵎⵎⴻⵎ ⵏ ⵓⵙⵏⵜⵉ- ⴰⵙⵖⵓⵏ ⵏ ⵡⴰⴳⴰⵎ ⵏ ⵓⵙⴷⴰⵡ ⵉⵥⵍⵉⵏ ⵙ ⵜⵓⴹⴼⵉⵕⵉⵏ.

2. ⴰⵣⵎⵎⴻⵎ ⵏ ⵓⵙⵏⵜⵉ ⴳ ⵜⴷⴰⴱⵓⵜ ⵜⴰⵎⵓⵟⵟⵓⵏⵜ, ⵙ ⵡⴰⴷⴰⴼ ⵙⵔⵙ ⵙ ⵓⴽⵍⵉⴽⵉ ,ⵅⴼ ⵓⵙⵖⵓⵏ. ⴷ ⵓⵙⵉⴷⴼ ⵏ ⵜⵎⵓⵛⴰ ⵉⵜⵜⴰⵡⵜⵜⴰⵔⵏ,  ⴽⵛⵎⵏⵜ ⴳⵉⵙ ⵜⵉⵍⵍⵉ ⵉⵣⴷⵉⵏ ⴷ ⵜⵏⵓⴷⴰⴼ ⵏ ⵓⵎⵣⵉⵣⵣⵍ ⴰⵏⵙⵜⴰⵢ ⴷ ⵜⵎⵇⵕⴰⴹ ⵏⵏⵙ - ⴰⴷⴰⴼ ⵙ ⵜⴷⴰⴱⵓⵜ ⵜⴰⵎⵓⵟⵟⵓⵏⵜ ⵉⵥⵍⵉⵏ ⵙ ⵓⵣⵎⵎⴻⵎ ⵏ ⵓⵙⵏⵜⵉ.

3. ⴰⵙⵉⴳⴳⵣ ⵏ ⵢⴰⵜ ⵜⵓⵏⵖⵉⵍⵜ ⵏ ⵓⵙⵉⴹⵏ ⵏ ⵓⵎⵣⵉⵣⵣⵍ ⴰⵏⵙⵜⴰⵢ ⴷ ⵓⵙⴳⵎⴹ ⵏⵏⵙ (ⵢⵓⵎⴰ ⵓⵙⵉⴹⵏ ⵜⴰⵏⵎⵎⴰⵍⵜ ⵏ ⵉⵙⵓⴳⴰⵎ ⵏ ⵓⵙⵥⵕⴼ ⴷ ⵓⴱⴷⴰⵔ ⵏ ⵜⵎⵇⵕⴰⴹ ⴷ ⵜⵓⴹⴼⵉⵕⵉⵏ), ⴷ ⵓⵙⵉⴳⴳⵣ ⵏ ⵓⵙⵉⵡⴹ ⵉⵥⵍⵉⵏ ⵙ ⵓⵣⵎⵎⴻⵎ ⵏ ⵓⵙⵏⵜⵉ ⵃⵎⴰ ⴰⴷ ⵉⵜⵜⴰⵡⵙⵎⵏⴰⴷ ⴳ ⴷⴰⵔ ⵜⵎⵉⵔⵉⵜ ⵏ ⵓⵣⵎⵎⴻⵎ.

4. ⵓⴹⵓⴼ ⵏ ⵜⴽⵜⵓⵜ ⴳ ⵓⵙⵖⵏⵓ ⵍⵍⵉ ⵙⵔⵙ ⵉⵥⵍⵉⵏ, ⵃⵎⴰ ⴰⴷ ⵢⵉⵍⵉ ⵓⵙⵔⵓⵙ ⵏ ⵓⵙⵉⴹⵏ ⵉⵜⵜⴰⵡⴱⴷⴰⵔⵏ ⴳ ⵓⴼⵍⵍⴰ, ⴰⴷ ⵉⵎⵓⵏ ⴷ ⵜⵏⵜⴰⵎⵉⵏ ⵉⵙⴷⴷⵉⴷⵏ ⵜⵉⵎⵇⵕⴰⴹ ⵜⵉⵏⵙⵜⴰⵢⵉⵏ, ⴳ ⵜⵎⵉⵔⵉⵜ ⵏ ⵓⵣⵎⵎⴻⵎ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵏⵉⵖ ⴳ ⴽⵔⴰ ⵏ ⵉⵙⵇⵇⵉⵎ ⵉⵏⵎⵏⴰⴹⵏ ⵏ ⵉⵙⵉⴹⵏⵏ   ⴰⵙⵖⵓⵏ ⵏ ⵡⵓⴹⵓⴼ ⵏ ⵜⴽⵜⵓⵜ.

ⵡⴰⵍⵍⵉ ⵅⴼ ⵉⵍⵍⴰ ⵓⵣⵓⵛⵛⵍ: ⴰⴳⵏⵙⴰⵙ ⵏ ⵜⵍⴳⴰⵎⵜ ⵏ ⵜⵏⴽⴷⴰ ⵏⵉⵖ ⴰⵎⵏⴽⴰⴷ ⵓⴼⵔⵉⴷ, ⵙ ⵓⵎⵙⴰⵙⴰ ⴷ ⵡⴰⴷⴷⴰⴷ, ⴳ ⵓⵙⵜⴰⵢ ⵏ ⵉⴳⵎⴰⵎⵏ ⵏ:

• ⴰⵙⵇⵇⵉⵎ ⵏ ⵉⵎⵓⵔⴰ
• ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ
• ⴷ ⵉⵙⵇⵇⵉⵎⵏ ⵏ ⵜⵎⵏⴰⴹⵉⵏ
• ⴷ ⵉⵙⵇⵇⵉⵎⵏ ⵏ ⵜⵎⵏⴱⴰⴹⵉⵏ ⴷ ⵜⵙⴳⵉⵡⵉⵏ
• ⴷ ⵉⵙⵇⵇⵉⵎⵏ ⵏ ⵜⴳⵔⴰⵡⵉⵏ ⵉⴱⴹⴰⵏ ⵅⴼ ⵜⵙⵓⵏⴰⴹ
• ⴷ ⵉⵙⵇⵇⵉⵎⵏ ⵏ ⵜⴳⵔⴰⵡⵉⵏ ⵏⵏⴰ ⵎⵉ ⵜⵜⴰⵡⵙⵜⴰⵢⵏ ⵉⴳⵎⴰⵎⵏ ⵏⵏⵙⵏ ⵙ ⵓⵙⵜⴰⵢ ⵙ ⵜⵍⴳⴰⵎⵜ

ⵡⴰⵍⵍⵉ ⵅⴼ ⵓⵔ ⵉⵍⵍⵉ ⵓⵣⵓⵛⵛⵍ: ⴰⵎⵏⴽⴰⴷ ⵏ ⵉⵙⵇⵇⵉⵎⵏ ⵏ ⵜⴳⵔⴰⵡⵉⵏ ⵏⵏⴰ ⵎⵓ ⵜⵜⴰⵡⵙⵜⴰⵢⵏ ⵉⴳⵎⴰⵎ ⵏⵏⵙ ⵙ ⵓⵙⵜⴰⵢ ⵓⴼⵔⵉⴷ.

ⴰⴽⵓⴷ ⵏⵏⴰ ⵉⵣⴷⵉ ⵡⴰⵡⴰⵍ ⴷ ⵓⵙⴽⴰⵔ ⵏ ⵓⵙⵜⴰⵢ ⵙ ⵜⵖⴰⵔⴰⵙⵜ ⵏ ⵓⵙⵜⴰⵢ ⵙ ⵜⵍⴳⴰⵎⵜ, ⴰⵔ ⵉⵙⵙⵓⵊⴰⴷ ⵓⴳⵏⵙⴰⵙ ⵏ ⵜⵍⴳⴰⵎⵜ ⵏ ⵜⵏⴽⴷⴰ ⴰⵙⵉⴹⵏ ⵏ ⵓⵎⵣⵉⵣⵣⵍ ⴰⵏⵙⵜⴰⵢ ⴷ ⴰⵔ ⵜ ⵉⵏⵏ ⵉⵙⵔⵓⵙ ⴷⴰⵔ ⵓⵙⵇⵇⵉⵎ.

ⵢⴰⵀ ⵉⵍⵍⴰ ⵅⴼ ⵓⴳⵏⵙⴰⵙ ⵏ ⵜⵍⴳⴰⵎⵜ/ⴰⵎⵏⴽⴰⴷ ⴰⴷ ⵉⵙⵔⵙ ⴰⵙⵉⴹⵏ ⵏ ⵓⵎⵣⵉⵣⵣⵍ ⵏⵏⵙ ⴰⵏⵙⵜⴰⵢ ⴷⴰⵔ ⵓⵙⵇⵇⵉⵎ.

ⴹⴰⵕⵜ ⵏ ⵓⵣⵎⵎⴻⵎ ⵏ ⵓⵙⵏⵜⵉ ⵏ ⵓⵎⵏⴽⴰⴷ ⴳ ⵜⵡⵡⵓⵔⵜ ⵉⵥⵍⵉⵏ ⵙ ⵓⵙⴽⴽⵉⵏ ⴰⴷ, ⴰⵔ ⵏⵏ ⵜⵜⴰⵡⵙⵔⴰⵙⵏ ⵉⵙⵉⴹⵏⵏ ⵏ ⵉⵎⵣⵉⵣⵣⵍⵏ ⵉⵏⵙⵜⴰⵢⵏ ⴳ ⵜⵎⵉⵔⵉⵜ ⵏ ⵓⵣⵎⵎⴻⵎ ⵙⵡⴰ ⴷⴰⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵏⵉⵖ ⴳ ⵉⵙⵇⵇⵉⵎⵏ ⵉⵏⵎⵏⴰⴹⵏ ⵏ ⵉⵙⵉⴹⵏⵏ.

ⴰⵔ ⵉⵜⵜⴰⵡⵙⴽⴰⵔ ⵓⵙⵉⴹⵏ ⵏ ⵓⵎⵣⵉⵣⵣⵍ ⴰⵏⵙⵜⴰⵢ ⵏ ⵉⵎⵏⴽⴰⴷⵏ ⵙ ⵓⵎⵙⴰⵙⴰ ⴷ ⵉⵣⵓⵔⴰⵜ ⵏⵏⴰ ⵉⵍⵍⴰⵏ ⴳ ⵜⵓⴹⴼⵉⵕⵉⵏ ⵉⵎⵓⵏⵏ ⴷ ⵜⵖⵜⴰⵙⵜ ⵜⴰⵎⴳⵔⵓⵜ ⵏ ⵓⵎⴰⵡⵙⴰⵙ ⵏ ⵓⴳⵏⵙⵓ ⴷ ⵓⵎⴰⵡⵙⴰⵙ ⵏ ⵜⵣⵔⴼⵜ ⴷ ⵓⵎⴰⵡⵙⴰⵙ ⵏ ⵜⴷⴰⵎⵙⴰ ⴷ ⵓⵥⵕⴼ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ⵓⵟⵟⵓⵏ 2299.21. ⵢⵓⵎⴰ ⵓⵙⵉⴹⵏ ⵜⴰⵏⵎⵎⴰⵍⵜ ⵉⴼⵔⵓⵔⵉⵏ ⵏ ⵉⵙⵓⴳⴰⵎ ⵏ ⵓⵙⵥⵕⴼ ⵏ ⵓⵎⵣⵉⵣⵣⵍ ⴰⵏⵙⵜⴰⵢ ⴷ ⵓⴱⴷⴰⵔ ⵏ ⵜⵎⵇⵕⴰⴹ ⵜⵉⵏⵙⵜⴰⵢⵉⵏ ⴷ ⵜⴼⵍⵡⵉⵏ ⵜⵓⴹⴼⵉⵕⵉⵏ ⴰⵀⴰ ⴰⴷ ⵉⵎⵓⵏⵏ ⴷ ⵜⵏⵜⴰⵎⵉⵏ ⵏ ⵓⵙⴷⴷⵉⴷ 

ⵉⵇⵇⴰⵏ ⴷ ⴰⴷ ⵉⵜⵜⴰⵡⵕⵥⴰⵎ ⵢⴰⵏ ⵏ ⵓⵙⵉⴹⵏ ⴰⴱⴰⵏⴽⵉ ⵉⵥⵍⵉⵏ ⵙ ⵉⵙⵓⴳⴰⵎ ⴷ ⵜⵎⵇⵕⴰⴹ ⵏ ⵓⵎⵣⵉⵣⵣⵍ ⴰⵏⵙⵜⴰⵢ, ⵓⵍⴰ ⴰⵙⵓⵊⴷ ⴷ ⵓⵙⵎⵏⵉⴷ ⵏ ⴰⵙⵉⴹⵏ ⵏ ⵓⵎⵣⵉⵣⵣⵍ ⴰⵏⵙⵜⴰⵢ ⵉⵥⵍⵉⵏ ⵙ ⴽⵔⴰⵢⴳⴰⵜⵜ ⴰⵙⵜⴰⵢ.

ⴰⵔ ⵉⵜⵜⴰⵡⵥⵍⴰⵢ ⵓⵡⵓⵜⵜⵓ ⵏ ⵜⵎⵇⵕⴰⴹ ⵜⵉⵏⵙⵜⴰⵢⵉⵏ ⵉ ⴽⵓ (ⵜ)ⴰⵎⵏⴽⴰⴷ(ⵜ):

• ⴰⵙⵇⵇⵉⵎ ⵏ ⵉⵎⵓⵔⴰ: 500.000 ⵏ ⵓⴷⵔⵀⵎ
• ⴰⵙⵇⵇⵉⵎ ⵏ ⵉⵎⵛⵛⵉⵡⴰⵕ: 300.000 ⵏ ⵓⴷⵔⵀⵎ
• ⵉⵙⵇⵇⵉⵎⵏ ⵏ ⵜⵎⵏⴰⴹⵉⵏ: 150.000 ⵏ ⵓⴷⵔⵀⵎ
• ⵉⵙⵇⵇⵉⵎⵏ ⵏ ⵜⵎⵏⴱⴰⴹⵉⵏ ⴷ ⵜⵙⴳⵉⵡⵉⵏ: 50.000 ⵏ ⵓⴷⵔⵀⵎ
• ⵉⵙⵇⵇⵉⵎⵏ ⵏ ⵜⴳⵔⴰⵡⵉⵏ: 60.000 ⵏ ⵓⴷⵔⵀⵎ

ⵙ ⵓⵎⴷⵢⴰ, ⴰⵔ ⵉⵜⵜⴰⵡⵥⵍⴰⵢ ⵓⵡⵓⵜⵜⵓ ⵏ ⵜⵎⵇⵕⴰⴹ ⵏ ⴽⵔⴰ ⵏ ⵜⵍⴳⴰⵎⵜ ⵏ ⵜⵎⵏⴽⴷⵜ ⵉⵙⵎⵓⵏⴰⵏ ⴰⴳⵏⵙⴰⵙ ⵏ ⵜⵍⴳⴰⵎⵜ ⴷ ⴽⴽⵓⵥ ⵏ ⵉⵎⵏⴽⴰⴷⵏ ⴳ ⵓⵙⵜⴰⵢ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵜⵉⴳ ⵏ 2.500.000 ⵏ ⵓⴷⵔⵀⵎ (500.000*5).